Мікалай Іванавіч Гусараў

Мікалай Іванавіч Гусараў
Мікалай Іванавіч Гусараў
	7 сакавіка 1947 — 3 чэрвеня 1950
Папярэднік	Панцеляймон Кандратавіч Панамарэнка
Пераемнік	Мікалай Сямёнавіч Патолічаў
Нараджэнне	3 (16) жніўня 1905; Нікалаеўск, Цароўскі павет[d], Астраханская губерня, Расійская імперыя;
Смерць	17 сакавіка 1985 (79 гадоў); Масква, РСФСР, СССР;
Месца пахавання	Новадзявочыя могілкі;
Дзеці	Vladimir Gusarov[d]
Партыя	КПСС (з 1925)
Адукацыя	Маскоўскі авіяцыйны інстытут (1936)

Мікала́й Іва́навіч Гуса́раў (3 (16) жніўня 1905, Нікалаеўск — 17 сакавіка 1985, Масква) — савецкі партыйны дзеяч.

Член кампартыі з 1925 года, кандыдат у члены ЦК ВКП(б) (1939—1952). Дэпутат ВС СССР I—IV скліканняў, член Прэзідыума ВС СССР (1946—1950).

Біяграфія

Нарадзіўся ў сям’і рамесніка. У 1927—29 гадах служыў у пагранічных войсках. Скончыў Маскоўскі авіяцыйны інстытут (1936).

У 1938 годзе сакратар Свярдлоўскага гарадскога камітэта ВКП(б). У 1938—39 гадах старшыня Арганізацыйнага бюро Вярхоўнага Савета РСФСР і ЦК ВКП(б) па Пермскай вобласці. У 1939—46 гадах першы сакратар Молатаўскага (Пермскага) абкама і гаркама (з сакавіка 1940 г.) партыі. У 1946—47 гадах інспектар ЦК ВКП(б).

З 1947 па 1950 г. 1-ы сакратар ЦК Кампартыі Беларусі. Зняты з пасады за тое, што «…ігнараваў калегіяльнасць кіраўніцтва, асабіста змяняў рашэння Бюро ЦК, няправільна ставіўся да крытыкі недахопаў, не працаваў з партыйным актывам, не інфармаваў праўдзіва ЦК ВКП(б) аб стане спраў у рэспубліцы»^[1].

У 1950—53 гадах інспектар ЦК ВКП(б). У 1953—1955 гадах 1-ы сакратар Тульскага абласнога камітэта КПСС. У 1955—1984 гг. на розных пасадах у Савеце міністраў РСФСР. З 1984 г. на пенсіі. Пахаваны ў Маскве на Новадзявочых могілках.

Узнагароды

Узнагароджаны 4 ордэнамі Леніна, ордэнам Працоўнага Чырвонага Сцяга, двума ордэнамі «Знак Пашаны», шматлікімі медалямі і граматамі.

Зноскі

↑ «Деловая газета».(недаступная спасылка)

Зноскі

Літаратура

Николай Гусаров: герой своего времени. Статьи, воспоминания, документы. — Пермь: Пушка, 2008. — 174 с.
Сушков А. В. Руководители города Свердловска: первые секретари горкома ВКП(б)—КПСС (1932—1991), вторые секретари горкома ВКП(б) (1937—1950): историко-биографический справочник. — Екатеринбург: Банк культурной информации, 2007. — С. 101—104. [1] Архівавана 20 сакавіка 2017.

Спасылкі

Біяграфіі: [2] Архівавана 1 кастрычніка 2013., [3] Архівавана 28 лютага 2008., [4], [5](недаступная спасылка), [6], [7](недаступная спасылка)

[1] «Деловая газета».(недаступная спасылка)

[1]