Мікалай Андрэевіч Васількоў

Мікалай Андрэевіч Васількоў (нар. 1 красавіка 1958, в. Бярозаўка, Кармянскі раён, Гомельская вобласць) — беларускі ўрач, дэпутат Палаты прадстаўнікоў Нацыянальнага сходу Рэспублікі Беларусь VI склікання.

Мікалай Андрэевіч Васількоў
Дэпутат Палаты прадстаўнікоў Нацыянальнага сходу Рэспублікі Беларусь VI склікання з 11 кастрычніка 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	1 красавіка 1958(1958-04-01) (66 гадоў) Бярозаўка, Кармянскі раён, Гомельская вобласць, БССР, СССР
Адукацыя	Віцебскі дзяржаўны медыцынскі ўніверсітэт ІПКіПКАЗ
Узнагароды	Ганаровая грамата Савета Міністраў Рэспублікі Беларусь ганаровая грамата Нацыянальнага сходу Рэспублікі Беларусь Ганаровая грамата Міністэрства аховы здароўя Рэспублікі Беларусь[d]

Біяграфія

Скончыў Віцебскі медыцынскі інстытут, урач-лячэбнік; Беларускую медыцынскую акадэмію паслядыпломнай адукацыі па спецыяльнасці «Грамадскае здароўе і ахова здароўя». Працаваў участковым тэрапеўтам, загадчыкам тэрапеўтычнага аддзялення, намеснікам галоўнага ўрача, загадчыкам паліклінікі тэрытарыяльнага медыцынскага аб'яднання, галоўным урачом абласной клінічнай паліклінікі, начальнікам упраўлення аховы здароўя Гомельскага аблвыканкама. З'яўляўся дэпутатам гарадскога Савета дэпутатаў, абласнога Савета дэпутатаў. Ганаровы грамадзянін Кармянскага раёна Гомельскай вобласці. З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання.

Узнагароды

Узнагароджаны медалём «За працоўныя заслугі», знакам «Выдатнік аховы здароўя Рэспублікі Беларусь», Ганаровай граматай Савета Міністраў Рэспублікі Беларусь, Ганаровай граматай Нацыянальнага сходу Рэспублікі Беларусь, Ганаровай граматай Міністэрства аховы здароўя Рэспублікі Беларусь.

Асабістае жыццё

Жанаты, мае дачку.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь (бел.)