Мікалай Паўлавіч Кніга

Мікалай Паўлавіч Кніга (10 (23) лютага 1902, Коўбча, Клічаўскі раён — 20 снежня 1972) — беларускі вучоны ў галіне оталарынгалогіі, доктар медыцынскіх навук (1955), прафесар (1958).

Мікалай Паўлавіч Кніга
Дата нараджэння	10 (23) лютага 1902
Месца нараджэння	Коўбча, Ігуменскі павет, Мінская губерня, Расійская імперыя
Дата смерці	20 снежня 1972(1972-12-20) (70 гадоў)
Месца пахавання	Паўночныя могілкі
Род дзейнасці	оталарынголаг, урач, выкладчык універсітэта, загадчык кафедры, галоўны ўрач
Месца працы	БДМУ 2-я гарадская клінічная бальніца[d]
Навуковая ступень	доктар медыцынскіх навук (1955)
Навуковае званне	прафесар
Альма-матар	медыцынскі факультэт БДУ (1929)
Узнагароды

Біяграфія

Пасля заканчэння ў 1929 годзе медыцынскага факультэта БДУ займаўся практычнай і навуковай дзейнасцю ў лячэбных установах Беларусі. У час Вялікай Айчыннай вайны ўдзельнічаў у арганізацыі партызанскай барацьбы на Клічаўшчыне, быў начальнікам санітарнай службы атрада. З сакавіка 1944 года ўзначальваў санітарны аддзел ваенна-аператыўнай групы пры Магілёўскім падпольным абкаме партыі.

З 1944 года — у Мінскім медыцынскім інстытуце, загадчык кафедры оталарынгалогіі (1952), галоўны оталарынголаг Міністэрства аховы здароўя Беларусі (1958). З 1962 года ўзначальваў навуковае таварыства оталарынголагаў Беларусі.

Асноўныя працы па праблемах склеромнай інфекцыі. Узнагароджаны 2 ордэнамі, медалямі. Памёр у 1972 г.

Літаратура

• Кніга Мікалай Паўлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 359. — 10 000 экз. — ISBN 985-11-0035-8. — ISBN 985-11-0144-3 (т. 8).
• Республика Беларусь : энциклопедия. [В 7 т.]. Т. 4. — Минск, 2007.