Мікалай Сямёнавіч Місюк

Мікалай Сямёнавіч Місюк (19 снежня 1919, г. Котлас, Архангельская вобласць, Расія — 13 кастрычніка 1990) — вучоны ў галіне неўрапаталогіі. Доктар медыцынскіх навук (1957), прафесар (1958). Член-карэспандэнт Акадэміі медыцынскіх навук СССР (1969). Удзельнік Вялікай Айчыннай вайны. Заснавальнік педагагічнай школы неўрапатолагаў Беларусі.

Мікалай Сямёнавіч Місюк
Дата нараджэння	19 снежня 1919(1919-12-19)
Месца нараджэння	Котлас, Сольвычагодскі павет[d], Паўночна-Дзвінская губерня[d], РСФСР
Дата смерці	13 кастрычніка 1990(1990-10-13) (70 гадоў)
Месца смерці	Мінск, БССР, СССР
Месца пахавання	Паўночныя могілкі
Грамадзянства	СССР
Род дзейнасці	навуковец, выкладчык універсітэта, урач, неўролаг, хірург, загадчык кафедры, дэкан, нейрахірург, паэт, пісьменнік
Навуковая сфера	нейрахірургія
Месца працы	Мінскі медыцынскі інстытут Архангельскі дзяржаўны медыцынскі інстытут[d]
Навуковая ступень	доктар медыцынскіх навук (1957) і член-карэспандэнт Акадэміі медыцынскіх навук СССР[d] (1969)
Навуковае званне	прафесар (1958)
Альма-матар	Ваенна-медыцынская акадэмія імя С. М. Кірава[d] (1942)
Вядомыя вучні	Аляксандр Яфімавіч Сямак
Узнагароды

Біяграфія

Скончыў Ленінградскую ваенна-марскую медыцынскую акадэмію (1942; ад’юнктура, 1948).

Працаваў у Ленінградскім інстытуце ўдасканалення ўрачоў імя С. М. Кірава (1948—1956, асістэнт, з 1949 — дацэнт кафедры нервовых хвароб); Архангельскім медыцынскім інстытуце (1956—1960, загадчык кафедры нервовых хвароб); Мінскім дзяржаўным медыцынскім інстытуце (1960—1990; у 1960—1989 — загадчык кафедры нервовых хвароб, з 1989 — прафесар).

Памёр 13 кастрычніка 1990 года, пахаваны ў Мінску на Паўночных могілках.

Навуковая дзейнасць

Навуковыя інтарэсы: механізм работы мозга ў норме і паталогіі; пытанні нейракібернетыкі і прыкладной кібернетыкі; укараненне ў клінічную неўрапатологію прыкладных аспектаў тэорыі інфармацыі і распазнавання захворванняў нервовай сістэмы чалавека на базе электронна-вылічальнай тэхнікі. Пазапрафесійная дзейнасць: літаратурная творчасць (вершы, проза).

Узнагароды

Ордэн Чырвонай Зоркі, медалі.

Літаратура

• Опыт интрацеребральных инфекций лекарственных веществ : автореферат диссертации … доктора медицинских наук / Н. С. Мисюк. — Ленинград, 1956.
• Мисюк Николай Семенович // Республика Беларусь : энциклопедия : [в 7 т.]. — Минск, 2007. — Т. 5. — С. 116.
• Місюк Мікалай Сямёнавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 475. — 10 000 экз. — ISBN 985-11-0035-8. — ISBN 985-11-0169-9 (т. 10).
• Николай Семенович Мисюк // Здравоохранение Белоруссии. — 1970. — № 1. С. 83—84.
• Мисюк Николай Семенович // Заведующие кафедрами и профессора Минского медицинского института (1921—1996) : биографический справочник / Н. Ф. Змачинская, М. В. Мальковец, А. Н. Пересада. — Минск, 1999. — С. 195—197.