Наследники
«Наследники» (бел.: спадкаемцы) ― беларускі музычны ансамбль з Вольгай Аліпавай у якасці вакалісткі.
| Наследники | |
|---|---|
| Жанры | рок-н-рол |
| Краіны | |
.svg){kind=small}
Гісторыя правіць
Вольга Аліпава вучылася разам з будучымі удзельнікамі гурта ў 82 школе Мінска. Яе сусед па парце заснаваў школьны ансамбль і паклікаў Вольгу туды спяваць. Пасля першага курса навучання Вольга Аліпава даведалася пра знакаміты гурт братоў Казлоўскіх. Яна прыйшла да іх і заявіла, што будзе працаваць з імі, скарыўшы хлопцаў сваім голасам. Вольга Аліпава — адна з першых у Беларусі «рок-вумэн». У школе Вольга слухала «The Beatles» і «The Rolling Stones», а потым спявала іх песні ў створаным у 1968 годзе гурце «Наследники».[1]
Ансамбль выступаў на вечарах ў радыётэхнічным інстытуце. Гурт «Наследники» трапіў у гісторыю, як першая забароненая ў Беларусі каманда.[2] Паводле слоў Аліпавай абкам камсамола бачыў яе выключна як «алкагалічку» і «наркаманку».
Гурт супрацоўнічаў з ансамблем «Сузор’е» і выступаў у аднаіменнай кавярні. Нядоўга працаваў па запрашэнню ў філармоніі, але потым вярнуўся да рэстаранных выступленняў. Пасля распада гурта Аліпава паехала ў Маскву і некаторы час выступала па гастролях з «Кварталам».
Гурт прымаў удзел у канцэрце ў гонар 42-й гадавіны I-га мінскага біт-фестывалю.[3]
Крытыка правіць
Сучаснікі адзначалі, што Вольга Аліпава «спявае, як Плант».[4]
Зноскі
- ↑ Старавойтава, Вольга. Крэслы, «ключы», пяць гітар. Культура (№ 2 (1232) 09.01.2016 - 15.01.2016 г). Архівавана з першакрыніцы 1 снежня 2020. Праверана 7 верасня 2021.
- ↑ Будкін, Сяргей. Вольга Аліпава: Шалею, калі нас называюць не народам, а «насельніцтвам». Хартыя'97 (16 мая 2013). Архівавана з першакрыніцы 23 красавіка 2020. Праверана 7 верасня 2021.
- ↑ 42-я годовщина I-го минского бит-фестиваля. Будзьма беларусамі! (2 красавіка 2010). Праверана 7 верасня 2021.
- ↑ Будкін, Сяргей. 60 год беларускага рок-н-рола. Лекцыя Сяргея Будкіна. Onliner.by (15 кастрычніка 2020). Архівавана з першакрыніцы 27 лютага 2021. Праверана 7 верасня 2021.
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх- «Даўным-даўно тое было» (музыка і словы – народныя, апрацоўка і выкананне – В.Аліпава)
