Несіна (возера)
Не́сіна — возера ў Беларусі, у Лепельскім раёне Віцебскай вобласці ў басейне ракі Лукомка каля вёскі Несіна.
| Несіна | |
|---|---|
| Морфаметрыя | |
| Вышыня над узроўнем мора | 138,6 м |
| Даўжыня | 2,03 км |
| Шырыня | 0,35 км |
| Плошча | 0,53 км² |
| Аб’ём | 0,00147 км³ |
| Даўжыня берагавой лініі | 4,87 км |
| Найбольшая глыбіня | 4,8 м |
| Сярэдняя глыбіня | 2,8 м |
| Гідралогія | |
| Тып мінералізацыі | прэснае |
| Салёнасць | 0,26—0,27 ‰ |
| Празрыстасць | да 1,1 м |
| Басейн | |
| Плошча вадазбору | 15,4 км² |
| Упадаюць | ручай |
| Выцякаюць | канал |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Несіна |
|
|
|
|
 Несіна |
|
 |
|
Плошча паверхні возера 0,53 км². Даўжыня 2,03 км, найбольшая шырыня 0,35 км. Найбольшая глыбіня дасягае 4,8 м, сярэдняя 2,8 м. Аб’ём вады 1,47 млн м³.
Катлавіна Несіна лагчыннага тыпу, выцягнутая з паўночнага захаду на паўднёвы ўсход. Схілы катлавіны спадзістыя, вышынёй 5—7 метраў, на паўднёвым захадзе і паўночным усходзе да 13—16 м і стромкія. Берагавая лінія слабазвілістая. Берагі возера вышынёй да 0,2 м, на паўночным захадзе зліваюцца са схіламі катлавіны. Падводная частка катлавіны карытападобнай формы. Мелкаводдзе пясчанае. На глыбінях, большых за 2 метры, дно выслана глеем. На возеры 3 астравы агульнай плошчай каля 0,6 га.
Возера эўтрофнае, слабапраточнае. Упадае ручай Серабранка[1] на поўначы, на поўдні выцякае меліярацыйны канал. Расліннасць распаўсюджана да глыбіні ў 2,6 м. Палоса прыбярэжнай расліннасці дасягае 20 м у шырыню.
У возеры водзяцца шчупак, плотка, акунь, гусцяра і іншыя віды рыб.
За 1 км ад паўночнага берага возера праходзіць аўтамабільная дарога М3.
Зноскі
- ↑ Беларусь. Ушачско-Лепельский озёрный край: карта для рыбака / Ред. С. Н. Саратова. — Мн.: Белкартография, 2009. — 3 000 экз. (руск.)
Літаратура
правіць- Богдзель І. І. Несіна // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 29. — 72 с. — 10 000 экз. — ISBN 978-985-508-136-5. (руск.)
- Беларусь. Ушачско-Лепельский озёрный край: карта для рыбака / Ред. С. Н. Саратова. — Мн.: Белкартография, 2009. — 3 000 экз. (руск.)
- Ліст карты N-35-46. Выданне 1980 года. (руск.)
Спасылкі
правіць- Общая характеристика озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)
- Морфометрические параметры озёр Витебской области // Справочник «Водные объекты Республики Беларусь» Архівавана 8 сакавіка 2021. (руск.)