Ніна Фёдараўна Сіляева

Ніна Фёдараўна Сіляева (26 снежня 1938, Мінск) — беларускі вучоны ў галіне паталагічнай анатоміі. Кандыдат медыцынскіх навук (1967). Дацэнт (1984). Доктар медыцынскіх навук (Патамарфалогія органа зроку ў перынатальным перыядзе, 1990). Прафесар (1993).

Ніна Фёдараўна Сіляева
Дата нараджэння	26 снежня 1938(1938-12-26) (85 гадоў)
Месца нараджэння	Менск, Менская вобласць, БССР, СССР
Грамадзянства	СССР  Беларусь
Муж	Юрый Рыгоравіч Бойка
Род дзейнасці	вучоная
Навуковая сфера	паталагічная анатомія
Месца працы	ГрДМУ
Навуковая ступень	доктар медыцынскіх навук (1990)
Навуковае званне	прафесар
Альма-матар	Мінскі медыцынскі інстытут (1961)

Біяграфія

Скончыла Мінскі медыцынскі інстытут (1961). Урач-фтызіятр Рэспубліканскага туберкулёзнага санаторыя «Наваельня» (1961—1962). Аспірантка кафедры паталагічнай анатоміі Мінскага медыцынскага інстытута (1962—1965). Загадчыца Патолагаанатамічным аддзялення 1-й клінічнай бальніцы г. Гродна, урач-патолагаанатам Гродзенскай абласной клінічнай бальніцы, асістэнт кафедры гісталогіі і эмбрыялогіі, нармальнай анатоміі, судовай медыцыны, старшы навуковы супрацоўнік ЦНДЛ ГрДМІ (1977—1984). Дацэнт кафедры паталагічнай анатоміі Гродзенскага дзяржаўнага медыцынскага інстытута (1984—1991). Загадчыца той жа кафедры (1991—2000). Прафесар кафедры паталагічнай анатоміі ГрДМУ.

Сям’я

• муж Юрый Рыгоравіч Бойка (1925—2004) — урач-паталагаанатам, доктар медыцынскіх навук

Навуковая дзейнасць

Аўтар больш за 170 навуковых прац. Асноўныя напрамкі даследаванняў прысвечаны вывучэнню патамарфалогіі энцэфалітаў і энцэфалапатый пладоў і нованароджаных, патамарфалогіі органа зроку ў перынатальным перыядзе, клініка-анатамічнага аналізу урачэбных памылак.

Літаратура

• Сіляева Ніна Фёдараўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 381. — 10 000 экз. — ISBN 985-11-0035-8. — ISBN 985-11-0238-5 (т. 14).
• Республика Беларусь : энциклопедия. [В 7 т.]. Т. 6. — Минск, 2008

Спасылкі

• Сіляева Ніна Фёдараўна, доктар медыцынскіх навук, паталагічная анатомія на сайце анлайн-энцыклапедыі «Беларусь у асобах і падзеях»
• Басинский В. А., Штабинская Т. Т., Зубрицкий М. Г. Нина Фёдоровна Силяева — педагог, ученый и клинический патолог (к 80-летию со дня рождения) // Журнал Гродненского государственного медицинского университета, Том 16, № 6, 2018 (руск.)