Палёўкі

Палёўкі (Arvicolinae, Microtinae) — падсямейства млекакормячых жывёл з сямейства хамяковых.

Палёўкі
Палёўка звычайная (Microtus arvalis)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Euarchontoglires Грандатрад:  Glires Атрад:  Грызуны Падатрад:  Myomorpha Надсямейства:  Muroidea Сямейства:  Хамяковыя Падсямейства:  Палёўкі
Міжнародная навуковая назва
Arvicolinae Gray, 1821
Сістэматыка на Віківідах Выявы на Вікісховішчы ITIS   552325 NCBI   39087 EOL   2847171 FW   67892

Апісанне

Даўжыня цела (акрамя андатры (Ondatra zibethicus)) да 23 см, хваста — да паловы даўжыні цела. Морда круглявая, вушы кароткія.

Арэал

Налічваецца больш за сорак родаў (каля дваццаці сучасных), каля ста відаў. Пашыраны ў Еўропе, Азіі, Паўночнай Амерыцы. Жывуць у розных ландшафтах, сем'ямі або калоніямі. На Беларусі сустракаюцца андатра (Ondatra zibethicus), палёўка вадзяная (Arvicola amphibius), палёўка рыжая (Myodes glareolus), палёўка-эканомка (Microtus oeconomus), палёўка звычайная, або шэрая (Microtus arvalis), палёўка земляная, або падземная (Microtus subterraneus), палёўка цёмная, або пашавая (Microtus agrestis).

Экалогія

Расліннаедныя. Нараджаюць да дванаццаці і больш дзіцянят, да пяці разоў за год.

Значэнне

Многія палёўкі — шкоднікі сельскагаспадарчых раслін, пераносчыкі ўзбуджальнікаў хвароб. Корм для многіх драпежных птушак і звяроў. Некаторыя — аб'екты промыслу.

Літаратура

• Самусенка Э. Палёўкі // БЭ ў 18 т. Т. 11. Мн., 2000.