Першы сшытак

Першы сшытак
Першы сшытак
музычны альбом Алесь Камоцкі
Дата выпуску	6 ліпеня 1986
Жанр	аўтарская песня

«Пе́ршы сшы́так» — дэбютны студыйны альбом беларускага барда Алеся Камоцкага, запісаны ў 1986 годзе.

Гісторыя стварэння Правіць

Альбом Алесь Камоцкі запісаў у 1986 годзе. Віктар Баброўскі, які здабыў пульт, мікрафоны і магнітафон у Дзяржтэлерадыё БССР на Макаёнка, далёка гэта ўсё вынесці не мог і запіс адбыўся на складзе бара тэлестудыі. Уся апаратура была размешчаная на скрынках з пустымі бутэлькамі, на іх жа селі самі музыканты, праз пару гадзін праца скончылася. Альбом гучыць трохі дзіўнавата, таму што пульт быў з эфэктамі і гукарэжысёру Віктару Баброўскаму вельмі хацелася з ім папрацаваць: у некаторых месцах рэвер проста зашкальвае. У той час Алесь Камоцкі на свае вершы яшчэ песень не пісаў і ў альбом увайшлі песні на словы Янкі Купалы, Максіма Багдановіча, Уладзіміра Жылкі, Ларысы Геніюш, Уладзіміра Караткевіча, Сяргея Дубаўца. Альбом слухачы перапісвалі з касеты на касету, бо купіць яго было немагчыма — на палічках у музычных крамах ён не мог аказацца. Па сведчанні Камоцкага, альбом дзякуючы «сарафаннаму радыё» дайшоў і да Варшавы. Па меркаванні музычнага партала Tuzin.fm — гэты першы альбом беларускай аўтарскай песні ў музычнай гісторыі.^[1]

Спіс песень Правіць

№	Назва	Словы
1.	«Варта ў крылы…»	Янка Сіпакоў
2.	«Насьледваньне Байрану»	Уладзімір Караткевіч
3.	«Сантымэнт»	Сяргей Дубавец
4.	«Я іду лугавою дарогай»	Уладзімір Караткевіч
5.	«За старым, закінутым млынам…»	Уладзімір Караткевіч
6.	«Бацькі з магіл…»	Уладзімір Караткевіч
7.	«О, каханьне…»	Уладзімір Караткевіч
8.	«Як сканаю…»	Уладзімір Караткевіч
9.	«Казка»	Уладзімір Караткевіч
10.	«Роздум»	Уладзімір Караткевіч
11.	«Там, за дзьвярыма…»	Сяргей Дубавец
12.	«За дахамі…»	Максім Багдановіч
13.	«Халоднай ноччу»	Максім Багдановіч
14.	«Ты прыйдзі»	Янка Купала
15.	«Працягласьць»	Ларыса Геніюш
16.	«Скарбы» (пераклаў Алесь Разанаў)	Альфонсас Малдоніс
17.	«Згасаеш…»	С. Стральцоў
18.	«Даўняя музыка» (пераклаў Генадзь Бураўкін)	Альфонсас Малдоніс
19.	«Маіх радасьцяў…»	Уладзімір Жылка
20.	«Сьпеў скончаны» (пераклаў Алесь Разанаў)	Альфонсас Малдоніс

Удзельнікі запіса Правіць

Алесь Камоцкі — гітара, спеў
Віктар Баброўскі — гукарэжысёр

Зноскі

↑ Часноўская, Аліна. Прэм’ера праз 30 гадоў. Альбом, зь якога пачаўся беларускі аўтарскі сьпеў (Рарытэт!) (бел.), Тузін Гітоў (6 ліпеня 2016). Праверана 29 красавіка 2022.

Спасылкі Правіць

[1] Часноўская, Аліна. Прэм’ера праз 30 гадоў. Альбом, зь якога пачаўся беларускі аўтарскі сьпеў (Рарытэт!) (бел.), Тузін Гітоў (6 ліпеня 2016). Праверана 29 красавіка 2022.

[1]