Пчаліны воўк

Пчаліны воўк (Philanthus triangulum) — насякомае сямейства рыючых восаў атрада перапончатакрылых.

Пчаліны воўк
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Перапончатакрылыя Падатрад:  Джаланосныя Надсямейства:  Пчолы Сямейства:  Пясочныя восы Падсямейства:  Philanthinae Трыба:  Philanthini Род:  Philanthus Від:  Пчаліны воўк
Міжнародная навуковая назва
Philanthus triangulum Fabricius, 1775
Выявы на Вікісховішчы ITIS   1036036 NCBI   280486 EOL   3798401

Апісанне

Цела даўжынёй 14—16 мм, чорнае. Усе сегменты брушка з жоўтымі палосамі. Яйцаклад зменены ў тонкае джала — сродак нападзення на здабычу і абароны ад ворагаў, праз якое ў момант уколу выводзіцца сакрэт ядавітых залоз.

Пашырэнне

Пашыраны ў Еўропе, Сярэдняй Азіі, на Каўказе. На Беларусі адзначаецца па ўсёй тэрыторыі.

Асаблівасці біялогіі

Дарослыя кормяцца нектарам і пылком кветак. Пчаліны воўк палюе на меданосных пчол (адсюль назва), паралізуе іх джалам і прыносіць у гняздо на корм лічынкам. За час развіцця лічынка з'ядае 4-6 пчол. Селіцца пчаліны воўк вялікімі калоніямі паблізу пчальнікоў і можа шкодзіць пчалярству.

Самка будуе ў глебе вертыкальную норку глыбінёй каля 1 м з бакавымі камерамі, дзе развіваюцца лічынкі. Ператварэнне поўнае. Самка жыве 25—40 сутак. Зімуе лічынка. За год 1 генерацыя.

Літаратура

• Шамяткоў М. П. Пчаліны воўк // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.