Пётр Мацвеевіч Красавіцкі

Пётр Мацвеевіч Красавіцкі (1873, Віцебск — 1950) — беларускі краязнавец, урач, педагог, садавод-аматар. Доктар медыцыны (1909). Член Віцебскай вучонай архіўнай камісіі (1909—1918).

Пётр Мацвеевіч Красавіцкі
Дата нараджэння	1873
Месца нараджэння	Віцебск, Віцебская губерня, Расійская імперыя
Дата смерці	1950
Род дзейнасці	урач, краязнавец, садавод, педагог
Навуковая сфера	медыцына, краязнаўства
Месца працы	Віцебскі настаўніцкі інстытут
Навуковая ступень	доктар навук
Альма-матар	Віцебская духоўная семінарыя Юр’еўскі ўніверсітэт (1902)

Біяграфія

Скончыў духоўную семінарыю і ў 1902 годзе медыцынскі факультэт Юр'еўскага ўніверсітэта . Удзельнік руска-японскай вайны. У 1906—1914 гадах у Віцебску займаўся прыватнай медыцынскай практыкай, у 1911—1912 гадах адначасова выкладаў у настаўніцкім інстытуце.

Падчас Першай сусветнай вайны працаваў у санітарным упраўленні арміі. У 1906 годзе набыў хутар Саломінка каля Бешанковічаў, дзе ў вёсцы Дабрыгоры заклаў парк і сад плошчай каля 10 гектараў і жыў там у 1924—1931 гадах. Парк, у якім расце каля 30 відаў і формаў драўняных раслін, часткова захаваўся да цяперашняга часу.

У 1919—1924 гадах працаваў у Віцебскім губернскім статыстычным бюро, Віцебскім практычным інстытуце народнай адукацыі. З'яўляўся членам камісіі па ахове помнікаў даўніны і мастацтва. Біёграф героя Айчыннай вайны 1812 года Я. П. Кульнева.

Аўтар даследаванняў аб культавых помніках Віцебшчыны.

Бібліяграфія

• Памятники церковной старины Полоцко-Витебского края и их охранение. — Витебск, 1911.
• Генерал-майор Я. П. Кульнев и бой под Клястицами. — Витебск, 1912.
• Сад Саломінка // Віцебшчына. — Витебск, 1925. — Том 1.

Літаратура

• Изменения почек при стафилококковой инфекции : диссертация на степень доктора медицины / П. М. Красавицкий. — Санкт-Петербург, 1909. (руск.)
• Генерал-майор Яков Петрович Кульнев и бой под Клястицами / П. М. Красавицкий. — Витебск, 1912. (руск.)
• Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — С. 252. — 10 000 экз. — ISBN 985-11-0041-2.
• Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.

Спасылкі

• Красавіцкі Пётр Мацвеевіч на сайце анлайн-энцыклапедыі «Беларусь у асобах і падзеях»
• Красовицкий, Пётр Матвеевич (руск.)
• Фота магілы П. М. Красавіцкага