Пётр Фірлей (ваявода рускі)

Пётр Фірлей герба «Леўарт» (? — 1 верасня 1553) — польскі магнат, каралеўскі прыдворны, кашталян хэлмскі (1527), староста: люблінскі, радамскі, казімежскі. Сын Мікалая Фірлея і Ганны Мялецкай.

Пётр Фірлей
Ваявода люблінскі 1537 — 1545
Папярэднік	Ян Алясніцкі
Пераемнік	Анджэй Тэнчынскі
Ваявода рускі 1545 — 1553
Папярэднік	Станіслаў Адрованж
Пераемнік	Мікалай Сяняўскі
Нараджэнне	XV стагоддзе
Смерць	1 верасня 1553
Месца пахавання	Люблін
Род	Фірлеі[d]
Бацька	Мікалай Фірлей
Дзеці	Мікалай Фірлей, Ян Фірлей[d] і Анджэй Фірлей[d]

У час вайны з Масковіяй браў удзел у бітве пад Оршай 8 верасня 1514 года. Быў саветнікам каралевы Боны, а потым Жыгімонта Аўгуста. У кастрычніку 1535 года быў прызначаны кашталянам бецкім, а праз месяц ужо стаў кашталянам вісліцкім. У 1537 годзе стаў ваяводам люблінскім і быў на гэтай пасадзе да 1545 года, калі пасля смерці Станіслава Адрованжа стаў ваяводам рускім. У 1551—1552 гадах удзельнічаў у барацьбе з паўстаннямі супраць Кароны ў Прусіі.

У 1532 годзе арандаваў радамскае староства і захоўваў яго да самай смерці. Таксама арандаваў староствы казімежскае і люблінскае.

Надмагільная пліта Мікалая і Пятра Фірлеяў у дамініканскім касцёле ў Любліне

Фундаваў Янавец на землях вёскі Серакомля і Любартаў, дзе пабудаваў замкі.

Сям’я

Быў жанаты з Кацярынай Тэнчынскай герба «Тапор». У іх нарадзілася 6 дзяцей:

• Ян Фірлей
• Мікалай Фірлей
• Андрэй Фірлей
• Ганна Фірлей
• Ядвіга Фірлей
• Барбара Фірлей