Півоня

Півоня (Paeonia) — род кветкавых раслін сямейства Півоневыя (Paeoniaceae).

Півоня
Paeonia suffruticosa
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Каменяломнікакветныя Сямейства:  Півоневыя (Paeoniaceae) Род:  Півоня
Міжнародная навуковая назва
Paeonia L., 1753
Тыпавы від
Paeonia officinalis L.
Сістэматыка на Віківідах Выявы на Вікісховішчы ITIS   18794 NCBI   13625 EOL   61607 GRIN   g:8758 IPNI   33209

Апісанне

Шматгадовыя (у культуры без перасадкі жывуць да 100 гадоў) травяністыя расліны, радзей кусты і паўкусты з бульбападобнымі або верацёнападобнымі каранямі. Лісце чаргаванае, двойчы-, тройчы- або шматрассечанае. Кветкі буйныя, адзіночныя, белыя, ружовыя, чырвоныя, радзей жоўтыя, простыя або махрыстыя. Плод — шматлістоўка.

Пашырэнне

Налічваецца каля 40 відаў. Пашыраны ва ўмераных і горных абласцях Еўразіі, Паўночнай Афрыкі і на захадзе Паўночнай Амерыкі. Трапляюцца ў светлых лясах, на субальпійскіх лугах, а таксама ў лесастэпах і стэпах. На Беларусі інтрадукаваны 3 травяністыя віды півоня адваротнаяйцападобная (Paeonia obovata), півоня адхіленая (Paeonia anomala), півоня малочнакветкавая (Paeonia lactiflora) — родапачынальніца мноства культурных сартоў, і 1 дрэвападобны — півоня паўкустовая (Paeonia ×suffruticosa).

Выкарыстанне

Ева Гансалес. «Півоні і хрушч»

Лекавыя, дэкаратыўныя расліны.

Літаратура

• Півоня // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).

Спасылкі

• Пион: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)