Піліп Аляксеевіч Самуйленка

Пілі́п Аляксе́евіч Самуйле́нка (1902, в. Патапаўка Кашалёўскай воласці Рагачоўскага павета Магілёўскай губерні — ?) — савецкі дзяржаўны дзеяч БССР і УССР, адзін з кіраўнікоў лесагаспадарчай галіны Беларусі. Міністр лясной прамысловасці Украінскай ССР, міністр лясной прамысловасці Беларускай ССР. Дэпутат Вярхоўнага Савета Украінскай ССР 2-га склікання, Вярхоўнага Савета Беларускай ССР.

Піліп Аляксеевіч Самуйленка
Міністр лясной і папяровай прамысловасці БССР 1953 — 29 мая 1957
Кіраўнік урада	Кірыл Мазураў Мікалай Аўхімовіч
Папярэднік	ён сам, як міністр лясной прамысловасці БССР
Пераемнік	пасада скасаваная
Міністр лясной прамысловасці БССР 1951 — 1953
Кіраўнік урада	Аляксей Кляшчоў
Папярэднік	ён сам, як міністр лясной і папяровай прамысловасці БССР
Пераемнік	ён сам, як міністр лясной і папяровай прамысловасці БССР
Міністр лясной і папяровай прамысловасці БССР 1950 — 1951
Кіраўнік урада	Аляксей Кляшчоў
Папярэднік	Рыгор Лахтанаў
Пераемнік	ён сам, як міністр лясной прамысловасці БССР
Нараджэнне	1902 Патапаўка, Патапаўскі сельсавет, Буда-Кашалёўскі раён, СССР
Смерць	невядома
Партыя	КПСС
Узнагароды

Біяграфія

Нарадзіўся ў сям’і лесніка. Скончыў сельскую школу. У 1921 годзе скончыў лесатэхнічны тэхнікум.

У 1921—1930 гадах памочнік ляснічага і памочнік ацэншчыка; на кіраўнічай рабоце ў сістэме Наркамата лясной прамысловасці СССР.

У 1930—1933 гадах — студэнт Ленінградскай лесатэхнічнай акадэміі.

У 1933—1934 гадах — старшы інжынер Наркамата лясной прамысловасці СССР.

У 1934—1936 гадах — дырэктар Томнікаўскага лясніцтва Мардоўскай АССР. У 1937—1938 гадах — кіраўнік трэста «Паўночкарэлес» у Карэльскай АССР.

У 1938—1940 гадах — начальнік Галоўнага ўпраўлення лесанарыхтовак і сплава ў Паўночна-Заходніх раёнах Наркамата лясной прамысловасці СССР.

10 сакавіка 1940 — 6 верасня 1950 года — наркам (пасля міністр) лясной прамысловасці Украінскай ССР. У часы Вялікай Айчыннай вайны выконваў задачы Дзяржаўнага камітэта абароны СССР па забеспячэнні патрэб Чырвонай Арміі.

У верасні 1950 — ліпені 1957 года — міністр лясной і папяровай прамысловасці Беларускай ССР, міністр лясной гаспадаркі Беларускай ССР.

З ліпеня 1957 па сакавік 1958 года — начальнік упраўлення лясной прамысловасці Савета народнай гаспадаркі Беларускай ССР. У сакавіку 1958 — 1964 — начальнік упраўлення лясной, цэлюлозна-папяровай і дрэваапрацоўчай прамысловасці Савета народнай гаспадаркі Беларускай ССР.

Пасля на пенсіі.

Літаратура

• Газета «Деснянська правда» (Чарнігаў) — 1947  — 14 студзеня.

Спасылкі

• Беллесбумпром. История Архівавана 4 верасня 2016. (руск.)