Рабковічы
Рабко́вічы[1] (трансліт.: Rabkovičy, руск.: Рабковичи) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчаны за 30 км на паўднёвы ўсход ад Баранавічаў, за 10 км ад чыгуначнай станцыі Пагарэльцы на лініі Баранавічы — Мінск.
Вёска
Рабковічы
Рабковічы на карце Беларусі ±   |
Да вёскі далучаны суседні хутар Уланаўшчына.
Гісторыя правіць
У 1897 годзе ў Чэрніхаўскай воласці Навагрудскага павета Мінскай губерні, дзейнічалі праваслаўная капліца, карчма.
З 1921 года ў складзе Польскай Рэспублікі, у Паланэчкаўскай гміне Баранавіцкага павета Навагрудскага ваяводства.
З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.
У Вялікую Айчынную вайну з канца чэрвеня 1941 года да 7 ліпеня 1944 года вёска акупіравана нямецка-фашысцкімі захопнікамі. На франтах вайны загінула 19 вяскоўцаў.
Насельніцтва правіць
- 49 двароў, 311 жыхароў (1897)
- 58 двароў, 232 жыхары (1909)
- 69 дамоў, 391 жыхар (1921)
- 340 жыхароў (1959)
- 320 жыхароў (1970)
- 96 двароў, 120 жыхароў (1998)
- 60 гаспадарак, 87 жыхароў (2005)
Вядомыя асобы правіць
- Анастасія Андрэеўна Жук (1931—2018) — беларуская паэтэса, педагог.
- Мікалай Іванавіч Тупальскі (нар. 1928) — беларускі педагог, спецыяліст у галіне тэорыі і методыкі навучання замежным мовам, прафесар (1990).
Зноскі
- ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
Літаратура правіць
- Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх
