Раска

Ра́ска, Жабіна дзяружка (Lemna) — род кветкавых раслін падсямейства раскавых.

Раска
Раска малая (Lemna minor)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Ароннікавыя Падсямейства:  Раскавыя Род:  Раска
Міжнародная навуковая назва
Lemna L., 1753
Сінонімы
Staurogeton (Rchb.) Schur
Тыпавы від
Lemna minor L., 1753 — Раска малая
Сістэматыка на Віківідах Выявы на Вікісховішчы ITIS   42588 NCBI   4469 EOL   29453 GRIN   g:6629 IPNI   23865 FW   319856

Батанічнае апісанне

Шматгадовыя водныя травы ў выглядзе авальнай або падоўжанай лістападобнай зялёнай пласцінкі (называецца лісцец, або фронд) даўжынёю да 1 см, з карэньчыкам або без яго і з бакавой кішэнькай. Свабодна плаваюць на паверхні вады ці ў яе тоўшчы паасобна або ў групах па 2—10. Размнажаюцца пераважна вегетатыўна — пупышкамі, якія закладваюцца ў кішэньцы, часам развіваецца суквецце з 2 тычынкавых і 1 песцікавай моцна рэдукаваных кветак. Плод (калі ён утвараецца) — мяшочкападобны, 1—7-насенны. Зімуе раска на дне вадаёма. Увесну з вегетатыўных пупышак утвараюцца новыя расліны і ўсплываюць на паверхню вады.

Арэал і экалогія

Каля 10 відаў. Пашыраны амаль усюды. На Беларусі распаўсюджаны 3 віды.

Трапляюцца ў азёрах, старыцах, канавах, часам утвараюць суцэльнае покрыва на паверхні стаячага вадаёма.

Віды

• Lemna gibba L. — Раска гарбатая
• Lemna minor L. — Раска малая
• Lemna trisulca L. — Раска трайчастая, ці Лягушачча дзяружка, ці Раска трохдольная

Значэнне і выкарыстанне

Кармавыя расліны для рыб і вадаплаўных птушак.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш.. — Мн.: БелЭн, 2001. — Т. 13. — С. 352. — 576 с. — 10 000 экз. — ISBN 985-11-0216-4 (Т. 13).

Спасылкі

• Ряска (руск.) — артыкул з Вялікай савецкай энцыклапедыі