Ружовы пелікан

Ружовы пелікан (Pelecanus onocrotalus) — буйная вадаплаўная птушка сямейства пеліканавых.

Ружовы пелікан
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Пеліканападобныя Сямейства:  Пеліканавыя (Pelecanidae) Род:  Пеліканы Від:  Ружовы пелікан
Міжнародная навуковая назва
Pelecanus onocrotalus Linnaeus, 1758
Ахоўны статус
Уразлівыя IUCN 3.1 Vulnerable : / 22697590
Сістэматыка на Віківідах Выявы на Вікісховішчы ITIS   174693 NCBI   36301 EOL   1049382

Знешні выгляд

Вялікая, нязграбная птушка, з белым цялеснага адцення апярэннем і чорнымі канцамі крылаў.

• Даўжыня цела самцоў да 175 см.
• Размах крылаў — да 360 см.
• Даўжыня крыла ў самцоў 66,5-77 см, у самак 58,6-78 см.
• Вага самцоў — 5,5-15 кг, самак — 5,1-10 кг.
• Хвост амаль прамы, з 24 рулявых пёраў. Даўжыня хваста самцоў 15-23 см, самак 13-20,5 см.
• Апярэнне рэдкае, шчыльна прылягае да цела.
• Дзюба доўгая, сплошчаная, заканчваецца загнутым ўніз кручком. Даўжыня дзюбы самцоў 35-47,1 см, самак 28,9 — 46 см.
• Даўжыня цэўкі самцоў 12-18,5 см, самак 10-16,5 см.
• Шыя доўгая.
• Гарлавы мяшок вялікі, моцна расцягваецца.

Пашырэнне

Арэал разарваны, уключае Балканы, Чорнае і Каспійскае моры, Аральскае возера (Казахстан), Блізкі Усход, некаторыя тэрыторыі Паўднёвай Азіі, Паўднёва-Усходняй Афрыкі. Насяляе кантынентальныя вадаёмы з берагамі, якія зараслі трыснягом і кустамі, асабліва імкнуцца да рачных дэльт.

Паўднёвыя папуляцыі аселыя, паўночныя — пералётныя. Нерэгулярна залятае ў розныя еўрапейскія краіны (Іспанію, Францыю, Германію, Вялікабрытанію, Бельгію, Галандыю, Данію, Нарвегію, Швецыю, Фінляндыю, Эстонію, Латвію, Літву, Польшчу, Чэхію, Славакію, Аўстрыю, Швейцарыю, Мальту, Беларусь, Венгрыю, Расію — наваколле Сант-Пецярбурга).

Асаблівасці біялогіі

Гняздуе калоніямі. Гняздо — утаптаная куча з сухой надводнай расліннасці (галоўным чынам трыснягу), а таксама сухой травы, дыяметр — 1,5-3,0 м.

Яйцо Pelecanus onocrotalus

Яйкі (2-4) падоўжаныя, амаль эліптычныя; белыя з мазкамі вапны. Памеры: 89 х 57 мм.

Літаратура

• Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X