Рыгор Іванавіч Назараў

Рыгор Іванавіч Назараў (6 снежня 1932, в. Хмелеўка, Травіцкі раён, Астраханская вобласць— 22 чэрвеня 1990) — беларускі стаматолаг, доктар медыцынскіх навук, прафесар.

Рыгор Іванавіч Назараў
Дата нараджэння	6 снежня 1932(1932-12-06)
Месца нараджэння	Хмялёўка, Іванчугскі сельсавет[d], Камызякскі раён, Астраханская вобласць, РСФСР, СССР
Дата смерці	22 чэрвеня 1990(1990-06-22) (57 гадоў)
Грамадзянства	СССР
Род дзейнасці	навуковец
Навуковая сфера	стаматалогія
Месца працы	Чыцінская дзяржаўная медыцынская акадэмія[d] ІПКіПКАЗ
Навуковая ступень	доктар медыцынскіх навук
Навуковае званне	прафесар

Біяграфія

Нарадзіўся ў сям’і сялян.

Пасля заканчэння сярэдняй школы вучыўся ў Іркуцкім медыцынскім інстытуце (1952—1957), скончыў з адзнакай стаматалагічны факультэт. Працаваў стаматолагам у паліклініках Краснаярска (1957—1963).

У 1963—1966 гадах вучыўся ў аспірантуры Маскоўскага стаматалагічнага інстытута, абараніў кандыдацкую дысертацыю на тэму «Асаблівасці артапедычнага лячэння хворых пасля прамянёвай тэрапіі злаякасных пухлін сківічна-тварнай вобласці» ў 1966 г. Асістэнт (1966), загадчык курсам артапедычнай стаматалогіі Чыцінскага медінстытута (1966—1968), старшы навуковы супрацоўнік НДІ МР АМН СССР у горадзе Обнінску (1968—1974), вучоны сакратар (1974—1976), кіраўнік лабараторыі (1976—1977) таго ж інстытута.

У 1975 годзе абараніў доктарскую дысертацыю на тэму «Змены зубоў і сківіц пасля дзеянні тэрапеўтычных доз мясцовага фракцыянаванага гама-апраменьвання», у 1981 годзе зацверджаны ў званні прафесара. З 1977 па 1990 гг. загадваў кафедрай артапедычнай стаматалогіі БелДІУУ.

Падрыхтаваў 6 кандыдатаў медыцынскіх навук. Аўтар і сааўтар больш за 87 навуковых публікацый, 2 вынаходстваў, 32 рацыяналізатарскіх прапаноў.

Узнагароджаны значком «Выдатнік аховы здароўя».

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 125—126. — 10 000 экз. — ISBN 985-11-0035-8. — ISBN 985-11-0188-5 (т. 11).