Астраханская вобласць

Астраханская вобласць
Астраханская вобласць
Герб[d]	Сцяг
Краіна	Расія;
Уваходзіць у	Расія (1991—?);
Адміністрацыйны цэнтр	Астрахань;
Дата ўтварэння	27 снежня 1943
Кіраўнік	Ігар Юр’евіч Бабушкін[d]
Насельніцтва	997 778 чал. (1 студзеня 2021);
Плошча	44 100 км²;
Часавы пояс	Самарскі час
Код ISO 3166-2	RU-AST
Код аўтам. нумароў	30
Афіцыйны сайт (руск.)
	Медыяфайлы на Вікісховішчы

Астраханская вобласць — суб’ект Расійскай Федэрацыі, у Паўднёвай федэральнай акрузе. Вобласць размешчана на Прыкаспійскай нізіне ў месцы упадзення Волгі ў Каспійскае мора. Мяжуе з Валгаградскай вобласцю — на поўначы, з Калмыкіяй — на захадзе, з Казахстанам — на ўсходзе.

Адміністрацыйны цэнтр вобласці — горад Астрахань. Вобласць была ўтворана 27 снежня 1943 года.

Нацыянальны склад: рускія (70,0 %), казахі (14,3 %), татары (7,0 %), украінцы (1,2 %), чачэнцы (1 %).

ПрыродаПравіць

Вобласць размяшчаецца ў межах Прыкаспійскай нізіны з Волга-Ахтубінскай поймай і дэльтай Волгі. Паверхня раўнінная, большая частка тэрыторыі ніжэй за ўзровень мора, ад −2,7 м на поўначы да −27,5 м на поўдні. Характэрны ўзгоркавыя падняцці (саляныя купалы вышынёй да 150 м) і Бэраўскія бугры ў дэльце Волгі.

Карысныя выкапні: кухонная соль, гіпс, нафта, газ, бішафіт.

Вялікую частку тэрыторыі вобласці займае паўпустыня. Паўпустынныя тэрыторыі выкарыстоўваюць пераважна пад пашы.

Клімат рэзка засушлівы з нарастаннем засушлівасці з захаду на ўсход. Сярэдняя тэмпература студзеня ад −10 °C на поўначы да −6 °C на поўдні, сярэдняя тэмпература ліпеня — каля 25 °C. Ападкаў каля 200 мм за год.

Галоўная рака Волга (з Ахтубай) падзяляецца на мноства рукавоў (больш за 800, найбольшыя — Бахтэмір, Болда, Бузан), якія ўтвараюць яе складаную дэльту. На тэрыторыі вобласці знаходзяцца шматлікія прэсныя (ільмені) і мінеральныя азёры, самае вялікае салёнае возера — Баскунчак.

У раслінным покрыве пераважаюць злакі (кавыль, ціпчак, жытнік), палын і салянкі паўпустыняў на светла-каштанавых саланцаватых і бурых глебах.

У Волга-Ахтубінскай пойме і дэльце Волгі растуць пойменныя лясы, лугавая расліннасць на алювіяльных глебах; трапляюцца лотас, чылім (вадзяны арэх), зараснікі трыснёгу. У водах жывуць больш за 50 відаў рыб, каля 30 — прамысловыя.

На тэрыторыі вобласць размешчаны Астраханскі запаведнік.

ГаспадаркаПравіць

Асноўныя галіны прамысловасці — лёгкая (трыкатажная, швейная, гарбарна-абутковая, футравая), харчовая (рыбная, агароднінакансервавая, мясная, саляная), машынабудаванне і металаапрацоўка (суднабудаванне, суднарамонт).

Развіты дрэваапрацоўчая, цэлюлозна-папяровая, нафтагазаздабыўная і хімічная прамысловасць, вытворчасць будаўнічых матэрыялаў.

Сельская гаспадарка ў Астраханскай вобласці прадстаўлена пасевамі збожжавых, вырошчваннем агародніны, садавіны, бахчавых. Асноўныя культуры — рыс, памідоры, кавуны (на арашальных землях). Развіты мяса-воўнавая авечкагадоўля і мяса-малочная жывёлагадоўля.

ТранспартПравіць

Развіты рачны і марскі транспарт. Порт — Астрахань. Чыгуначныя лініі Астрахань — Саратаў, Астрахань — Верхні Баскунчак — Валгаград, Астрахань — Гур’еў, аўтадарогі Астрахань — Валгаград, Астрахань — Эліста і Астрахань — Кізляр.

Адміністрацыйна-тэрытарыяльны падзелПравіць

Буйнейшыя гарады: Астрахань, Ахтубінск, Знаменск.

Муніцыпальныя раёныПравіць

Вобласць падзяляецца на 11 раёнаў.

№	Муніцыпальны раён	Адміністрацыйны цэнтр	Плошча, км²	Насельніцтва, чал. (2020)^[4]
1	Ахтубінскі раён	г. Ахтубінск	7 810	58 260
2	Валадарскі раён	пас. Валадарскі	3 883	44 711
3	Енатаеўскі раён	с. Енатаеўка	6 300	25 346
4	Ікранінскі раён	с. Ікранае	1 950	48 489
5	Камызяцкі раён	г. Камызяк	3 493	47 716
6	Краснаярскі раён	с. Красны Яр	5 260	36 321
7	Ліманскі раён	пгт Ліман	2 100	28 459
8	Нарыманаўскі раён	г. Нарыманаў	6 100	48 323
9	Прыволжскі раён	с. Началава	841	62 536
10	Харабалінскі раён	г. Харабалі	7 100	40 154
11	Чарнаярскі раён	с. Чорны Яр	4 200	19 570