Саланец (возера)
Салане́ц — возера ў Полацкім раёне Віцебскай вобласці ў басейне ракі Заходняя Дзвіна, за 20 км на захад ад Полацка, на паўночны ўсход ад вёскі Ліцвінава.
| Саланец | |
|---|---|
| Морфаметрыя | |
| Вышыня над узроўнем мора | 114,5 м |
| Даўжыня | 1,43 км |
| Шырыня | 0,72 км |
| Плошча | 0,48 км² |
| Аб’ём | 0,0006 км³ |
| Даўжыня берагавой лініі | 4,2 км |
| Найбольшая глыбіня | 3,4 м |
| Сярэдняя глыбіня | 1,2 м |
| Гідралогія | |
| Салёнасць | 0,26 ‰ |
| Празрыстасць | 0,2 м |
| Басейн | |
| Плошча вадазбору | 12,7 км² |
| Упадаюць | ручай, канава |
| Выцякаюць | рака Валынка |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Саланец |
|
|
|
|
 Саланец |
|
 |
|
Плошча паверхні возера 0,48 км². Даўжыня 1,43 км, найбольшая шырыня 0,72 км. Найбольшая глыбіня 3,4 м, сярэдняя 1,2 м. Даўжыня берагавой лініі 1,4 км. Плошча вадазбору 12,7 км². Аб'ём вады ў возеры каля 0,6 млн м³.
Катлавіна возера рэшткавага тыпу, выцягнутая ў напрамку з поўначы на поўдзень. Схілы катлавіны вышынёй 2—5 м, спадзістыя. Берагавая лінія звілістая, утварае залівы. Берагі возера нізкія, пясчаныя і забалочаныя, у паўднёвай частцы возера сплавінныя. На поўначы і поўдні забалочаная пойма шырынёй да 100 метраў. Зона мелкаводдзя каля заходняга і ўсходняга берагоў пясчаная. Астатняя частка дна возера выслана сапрапелямі. На возеры востраў плошчай 0,2 га.
Возера Саланец эўтрофнае, слабапраточнае. Упадае ручай і меліярацыйны канал, выцякае рака Валынка (прыток ракі Нача). Возера зарастае да глыбіні 0,8 м.
У возеры водзяцца карась, карп, акунь, шчупак, лінь і іншыя рыбы.
Літаратура правіць
- Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 599 с. — 10 000 экз.
- Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — С. 101. — 512 с. — 10 000 экз. — ISBN 985-11-0238-5 (Т. 14).
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 19. — 72 с. — 10 000 экз. — ISBN 978-985-508-136-5. (руск.)
- Республика Беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
Спасылкі правіць
- Возера Саланец Архівавана 15 сакавіка 2013.