Свята-Духаўская царква (Вярховічы)

Свята-Духаўская царква — праваслаўны храм у гонар Святога Духа ў вёсцы Вярховічы Камянецкага раёна Брэсцкай вобласці.

Праваслаўны храм
Свята-Духаўская царква
52°28′45,41″ пн. ш. 23°31′12,41″ у. д.
Краіна	Беларусь
Вёска	Вярховічы
Канфесія	Праваслаўе
Епархія	Брэсцкая і Кобрынская епархія
Тып будынка	царква
Архітэктурны стыль	Беларускае народнае дойлідства
Дата пабудовы	1840 год
Статус	Гісторыка-культурная каштоўнасць Беларусі, шыфр 113Г000037
Стан	дзейнічае

Гісторыя

Пабудавана на могілках у 1840 г. з дрэва. Храм прыпісны да Свята-Мікалаеўскага прыхода вёскі Вярховічы.

Архітэктура

Помнік народнага дойлідства. Вырашана спалучэннем прамавугольных зрубаў залы і апсіды, над якой асноўны двухсхільны дах пераходзіць у вальмавае пакрыццё. На франтальным фасадзе вылучаецца двух'ярусная шатровая званіца. Гарызантальна ашаляваныя фасады рытмічна расчлянёны аконнымі праёмамі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Духаўская царква (Вярховічы) на сайце Radzima.org
• Свята-Духаўская царква (Вярховічы) на сайце Глобус Беларусі (руск.)
• Свята-Духаўская царква (Вярховічы) на сайце «Архіварта»