Свята-Петра-Паўлаўская царква (Грыгаравічы)
Свята-Петра-Паўлаўская царква — праваслаўны храм у вёсцы Малышова Мёрскага раёна Віцебскай вобласці. Знаходзіцца за 1 км на поўнач ад вёскі, у колішняй вёсцы Грыгаравічы.
| Праваслаўны храм | |
| Свята-Петра-Паўлаўская царква | |
|---|---|
.jpg) | |
| 55°38′54″ пн. ш. 28°04′26″ у. д.HGЯO | |
| Краіна |
 Беларусь |
| Вёска | Малышова |
| Канфесія | Праваслаўе |
| Епархія | Полацкая і Глыбоцкая |
| Благачынне | Мёрскае |
| Архітэктурны стыль | рэтраспектыўна-рускі стыль |
| Дата пабудовы | 1861 год |
| Стан | дзейнічае |
 |
|
 Медыяфайлы на Вікісховішчы | |
Гісторыя
правіцьПабудавана ў 1861 годзе з цэглы.
Архітэктура
правіцьПомнік архітэктуры рэтраспектыўна-рускага стылю. Вырашана паводле канона чатырохчасткавай падоўжна-восевай кампазіцыі: прытвор-званіца, кароткая трапезная, кубападобны аб’ём малітоўнай залы, нізкая прамавугольная апсіда. Своеасабліва вырашана званіца, усе 3 ярусы якой маюць васьмігранную форму і завершаны гранёным шатром з макаўкай. Аб’ём малітоўнай залы накрыты чатырохсхільным дахам з цыбулепадобнай галоўкай на гранёнай шыі ў завяршэнні; бакавыя плоскасныя фасады аформлены пластычнымі парталамі ўваходаў і вокнамі-біфорыумамі па баках у трохлопасцевых арачных ліштвах. У крапоўцы фасадаў выкарыстаны традыцыйныя зубчастыя фрызы, вуглавыя руставаныя лапаткі.
Інтэр’ер
правіцьАбразы XVIII—XIX стагоддзяў: «Святы Аляксандр Неўскі» (1865, у памяць вызвалення ад прыгону), «Святы Георгій», «Маці Божая Адзігітрыя», іканастас.
Літаратура
правіць- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі
правіць
На Вікісховішчы ёсць медыяфайлы па тэме Свята-Петра-Паўлаўская царква (Грыгаравічы)- Свята-Петра-Паўлаўская царква (Грыгаравічы) на сайце Глобус Беларусі (руск.)
- Свята-Петра-Паўлаўская царква (Грыгаравічы) на сайце «Архіварта»
