Свята-Раства-Багародзіцкая царква (Дакудава)

Свята-Раства-Багародзіцкая царква — праваслаўны храм у вёсцы Дакудава Лідскага раёна Гродзенскай вобласці. Знаходзіцца ў цэнтры вёскі.

Праваслаўны храм
Свята-Раства-Багародзіцкая царква
53°48′23″ пн. ш. 25°30′36″ у. д.
Краіна	Беларусь
Вёска	Дакудава
Канфесія	БПЦ
Епархія	Лідская епархія
Дата пабудовы	1866 год
Медыяфайлы на Вікісховішчы

Гісторыя

Пабудавана ў 1866 годзе з бутавага каменю на месцы папярэдняга храма, адзначанага ў 1795(70) годзе.

Архітэктура

Помнік архітэктуры сінадальнага накірунку рэтраспектыўна-рускага стылю. Вырашана па «ўзорнаму» праекту чатырохчасткавай падоўжна-восевай кампазіцыяй: прытвор-званіца, трапезная, кубападобная малітоўная зала, паўкруглая апсіда. Шатры двух'яруснай (васьмярык на чацверыку) званіцы і малітоўнай залы завершаны цыбулепадобнымі галоўкамі. На фоне бутавай муроўкі сцен вылучаны атынкаваныя аркатурныя паясы, плоскія ліштвы арачных адзінарных і падвоеных аконных праёмаў, вуглавыя руставаныя лапаткі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
• Спіс вернікаў Ганчарскай і Дакудаўскай грэка-каталіцкіх парафій у 1829 г. // на pawet.net
• Лаўрэш Леанід. Прыходы ў Ганчарах і Дакудаве // Лідскі Летапісец. 2020. № 4(92). С. 44-71. // на pawet.net

Спасылкі

• На Вікісховішчы ёсць медыяфайлы па тэме Свята-Раства-Багародзіцкая царква (Дакудава)
• Свята-Раства-Багародзіцкая царква (Дакудава) на сайце Праваслаўная архітэктура Беларусі (бел.)
• Свята-Раства-Багародзіцкая царква (Дакудава) на сайце Radzima.org