Свята-Троіцкая царква (Мір)
Мірская Траецкая царква (Мірская Троіцкая царква) — помнік архітэктуры 16—19 ст. рэспубліканскага значэння ў г. п. Мір.
| Праваслаўная царква | |
| Мірская троіцкая царква | |
|---|---|
 | |
| 53°27′10,4″ пн. ш. 26°27′55,75″ у. д.HGЯO | |
| Краіна |
 Беларусь |
| Гарадскі пасёлак | Мір |
| Канфесія | Праваслаўная царква |
| Епархія | Навагрудская епархія |
| Архітэктурны стыль | псеўдарускі стыль |
| Будаўніцтва | 1530—1550 гады |
| Статус |
 Гісторыка-культурная каштоўнасць Беларусі, шыфр 412Г000320 |
| Стан | Добры, царква дзейнічае |
 |
|
 Медыяфайлы на Вікісховішчы | |
Гісторыя
правіцьПабудавана паміж 1533—50 з цэглы. У 1705 г. стала уніяцкай пры манастыры базыльян, які быў скасаваны ў 1824 г. У 1839 г. ўладкавана паводле праваслаўнага абраду. У 1842 г. ў ёй створаны прыдзел у імя Раства Прасвятой Багародзіцы. Перабудавана пасля пажару 1865 г. (начынне і іканастас былі выратаваны) і асвячона 9.6.1868 г. архіепіскапам мінскім Міхаілам. Будынак капітальна перабудаваны ў 1873 — 75 гг., пасля чаго 25.5.1875 г. асвячоны зноў.
Архітэктура
правіцьМураваны 5-купальны храм падоўжна-восевай кампазіцыі ўключае амаль квадратны ў плане асноўны аб'ём, паўкруглую апсіду з рызніцай і прамавугольны бабінец, да якога ў 1870-я гады прыбудавана 3-ярусная вежа-званіца (васьмярык на 2 чацверыках) з мураваным першым паверхам, драўлянымі 2-м і 3-м ярусамі, завершаная 8-гранным шатровым дахам з галоўкай на глухім барабане. Да пабудоў 1870-х гадоў адносяцца і 5 несапраўдных купалаў над асноўным аб'ёмам. Асноўны аб'ём накрыты 4-схільным дахам і мае ў завяршэнні дэкаратыўнае 5-галоўе. Апсіда накрыта паўавальным, бабінец — 2-схільным дахамі. Вокны круглыя і прамавугольныя з арачнымі завяршэннямі.
Літаратура
правіць- Архітэктура Беларусі: Энцыкл. давед./Беларуская Энцыклапедыя; Рэдкал.: А. А, Воінаў і інш. — Мн.: БелЭн, 1993. — 620 с.: іл. ISBN 5-85700-078-5.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. - Мінск: Беларуская Энцыклапедыя, 2007. - 653 с. 2000 экз. ISBN 978-985-11-0389-4
Спасылкі
правіць
На Вікісховішчы ёсць медыяфайлы па тэме Свята-Троіцкая царква (Мір)- Свята-Троіцкая царква (Мір) на сайце Праваслаўная архітэктура Беларусі (бел.)
- Свята-Троіцкая царква (Мір) на сайце Radzima.org
- Свята-Троіцкая царква (Мір) на сайце Глобус Беларусі (руск.)
- Свята-Троіцкая царква (Мір) на сайце «Архіварта»
