Седыментацыйны аналіз

Седыментацы́йны ана́ліз — сукупнасць метадаў вызначэння памераў часцінак у дысперсных сістэмах і малекулярных мас макрамалекул у растворах па скорасці седыментацыі.

Выкарыстоўваецца седыментацыя ў полі гравітацыйных сіл для грубадысперсных сістэм і з дапамогай цэнтрыфуг і ультрацэнтрыфуг для высокадысперсных сістэм. Вызначаецца канстанта седыментацыі — адносіны скорасці седыментацыі да паскарэння поля сіл. Канстанта седыментацыі залежыць ад масы і формы часціц ці малекулярнай масы макрамалекул.

З дапамогай седыментацыі вызначаюць дысперсны склад здробненых матэрыялаў, глеб, грунтоў. У біяхіміі з дапамогай седыментацыйнага аналізу вызначаюць склад і памеры клетачных структур, вірусаў і інш.

Літаратура

• Седыментацыйны аналіз // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 295. — 10 000 экз. — ISBN 985-11-0035-8. — ISBN 985-11-0238-5 (т. 14).
• Ходаков Г. С., Юдкин Ю. П. Седиментационный анализ высокодисперсных систем. — М., 1981. (руск.)