Вікіпедыя

Сексуальны гвалт падчас Тыграйскага канфлікту

Асноўны артыкул: Тыграйскі канфлікт

У лістападзе 2020 года ў рэгіёне Тыграй на поўначы Эфіопіі ўспыхнуў узброены канфлікт паміж мясцовай партыяй Народны фронт вызвалення Тыграя і федэральным урадам прэм’ер-міністра Абія Ахмеда Алі. Падчас гэтых падзей былі неаднаразова зафіксаваныя выпадкі сексуальнага гвалту[1][2][3].

ХронікаПравіць

2021Правіць

  • 4 студзеня: Europe External Programme with Africa (EEPA) паведаміла, што вялікая колькасць жанчын пацярпелі ад сексуальнаму гвалту як індывідуальна, так і ў групах. Многія жанчыны ў Мэкэле, сталіцы рэгіёну Тыграй, пасля запыталі экстраныя супрацьзачаткавыя таблеткі. Некаторыя былі выкрадзены ўрадавымі сіламі[4].
  • 21 студзеня: спецыяльны прадстаўнік Арганізацыі Аб’яднаных Нацый па пытанні аб сексуальным гвалце ва ўмовах канфлікту Праміла Патэна выказала «вялікую заклапочанасць» з нагоды заяў мужчын з Мэкэле, вымушаных гвалтаваць членаў сям’і. Яна выказа ўдзячнасць за расследаванні і даклады Эфіопскай камісіі па правах чалавека і гатоўнасць устаноў ААН аказваць падтрымку эфіопскім уладам у «папярэджанні магчымых парушэнняў і рэагаванні на іх»[1].
  • 23 студзеня: невядомая бежанка з Тыграя, апытаная агенцтвам Reuters, заявіла, што яе згвалтавалі пад пагрозай пісталета. Гвалтаўнік быў апрануты ва ўніформу ўрадавай арміі і казаў, што прэзерватыў не патрэбны. Супрацоўнікі гуманітарных арганізацый і лекары апісалі шматлікія паведамленні аб згвалтаваннях з боку апалчэння Фано і лаялістаў у такіх гарадах, як Рав’ян, Вукро, Адыграт і Мэкэле[5]. EEPA, спасылаючыся на невядомага тыграйскага лекара, паведаміла, што ў гарадах Адва і Аксум салдаты Эфіопіі і Эрытрэі стралялі ў людзей, якія былі сведкамі згвалтаванняў або спрабавалі дапамагчы ахвярам. У выніку жыхары перасталі рэагаваць на крыкі жанчын аб дапамозе[6].
  • 25 студзеня: Упраўленне Арганізацыі Аб’яднаных Нацый па каардынацыі гуманітарных пытанняў паведаміла аб «трывожным росце колькасці паведамленняў аб сексуальных злачынствах у Тыграі»[7].
  • 30 студзеня: у сваёй заяве Дэбрэцыан Гебрэмікаэль, лідар паўстанцаў, пацвердзіў паведамленні аб сексуальных злачынствах урадавай арміі[8].
  • 1 лютага: EEPA заявіла, што шасці маладым дзяўчатам з Мэкэле, згвалтаваным лаялістамі, пагражалі, каб тыя не паведамлялі пра здзейсненае і не звярталіся па медыцынскую дапамогу[6].
  • 15 лютага: «Бі-бі-сі Ньюс» паведаміла, што лекар і актывістка за правы жанчын сумесна зарэгістравалі 200 дзяўчынак ва ўзросце да 18 гадоў, якія сведчалі аб тым, што яны сталі ахвярамі згвалтавання ў медыцынскіх цэнтрах і бальніцах Мэкэле. 18-гадовая школьніца, апытаная журналістамі, распавяла, як яна перажыла спробу згвалтавання, але нападнік тройчы стрэліў ёй у руку, прымусіўшы лекара ампутаваць яе, калі тая пазней прыбыла ў бальніцу[9].
  • 28 лютага: Некалькі жанчыны з клініцы «Айдэр» у Мэкэле, былі згвалтаваны байцамі ўрадавай арміі па шляху з бібліятэкі ў свае спальні[10].

2022Правіць

  • 16 лютага: арганізацыя «Amnesty International» апублікавала даклад, у якім абвінаваціла тыграйскіх паўстанцаў у згвалтаванні непаўналетніх. Інцыдэнты мелі месца ў канцы жніўня і пачатку верасня 2021 г. Паводле тэксту дакумента, «баевікі НФВТ наўмысна забілі дзясяткі чалавек, згвалтавалі дзясяткі жанчын і дзяўчынак, некаторым з якіх было ўсяго 14 гадоў, а таксама падвергнулі рабаванню прыватную і грамадскую ўласнасці ў двух раёнах рэгіёну Амхара на поўначы Эфіопіі»[11].

Колькасць ахвярПравіць

У канцы сакавіка 2021 года агульная колькасць згвалтаванняў, зарэгістраваных ў пяці медыцынскіх установах Мэкэле, Адыграта, Вукро, Шыра і Аксума, склала 512—516[12][13]. Толькі ў Адыграцкай бальніцы было зарэгістравана 170 згвалтаваных жанчын, прычым назіралася тэндэнцыя да павелічэння колькасці інцыдэнтаў[14]. Вафа Саід, каардынатар дапамогі Арганізацыі Аб’яднаных Нацый, чакаў, што праўдзівая колькасць згвалтаванняў будзе нашмат вышэй, таму што большасць медыцынскіх устаноў не функцыянавала[12]. Таксама кожная ахвяра згвалтавання, як правіла, паведамляла аб 20 іншых жанчын, якія былі згвалтаваны разам з ёй, што не паведамілі аб згвалтаванні ні ў адну бальніцу[13]. 25 сакавіка брытанскі парламентарый Хэлен Хэйс заявіла, што былі згвалтаваны 10 тысяч жанчын[15]. Да сярэдзіны красавіка Фасіка Амдэселасіе, высокапастаўлены чыноўнік грамадскага аховы здароўя ў пераходным урадзе Тыграя, заявіла, што па меншай меры 829 выпадкаў сексуальнага гвалту былі зарэгістраваны ў пяці дзеючых бальніцах з пачатку канфлікту[16].

РаследваннеПравіць

31 студзеня 2021 года Філсан Абдулахі, федэральны міністр Эфіопіі па справах жанчын, дзяцей і моладзі, заявіў у адказ на згадванне Дэбрэцыана Гебрэмікаэля аб сексуальным гвалце падчас вайны ў Тыграі, што федэральны ўрад «праводзіць палітыку нулявой цярпімасці да любой формы сексуальнага гвалту», гэта значыць карае злачынцаў[17]. Для раследвання злачынстваў была створана спецыяльная група на чале з былым генеральным пракурорам Аданах Абібі[18]. Мэтавая група, пачынаючы з 1 лютага, апытвала пацярпелых і збірала медыцынскія доказы[19]. Ужо 11 лютага яна ўстанавіла, што згвалтаванні сапраўды мелі месца. Філсан заявіў, што паліцыя апрацоўвала «даныя ў выглядзе лічбаў», не робячы ніякіх заяваў аб усталяванні вінаватых[20].

ЗноскіПравіць

  1. ↑ а б United Nations Special Representative of the Secretary-General on Sexual Violence in Conflict, Ms. Pramila Patten, urges all parties to prohibit the use of sexual violence and cease hostilities in the Tigray region of Ethiopia. United Nations (21 студзеня 2021). Архівавана з першакрыніцы 31 студзеня 2021.
  2. ↑ Ethiopia sends army into Tigray region, heavy fighting reported (4 лістапада 2020).
  3. ↑ Exclusive: U.S. thinks Eritrea has joined Ethiopian war, diplomats say (8 снежня 2020).
  4. ↑ Situation Report EEPA HORN No. 45 – 4 January 2021. Europe External Programme with Africa (4 студзеня 2021). Архівавана з першакрыніцы 31 студзеня 2021.
  5. ↑ 'Choose - I kill you or rape you': abuse accusations surge in Ethiopia's war (23 студзеня 2021).
  6. ↑ а б Situation Report EEPA HORN No. 73 – 1 February 2021. Europe External Programme with Africa (31 студзеня 2021). Архівавана з першакрыніцы 31 студзеня 2021.
  7. ↑ Ethiopia - Tigray Region Humanitarian Update – Situation Report Last updated: 25 Jan 2021. United Nations Office for the Coordination of Humanitarian Affairs (25 студзеня 2021). Архівавана з першакрыніцы 3 лютага 2021. Праверана 3 лютага 2021.
  8. ↑ Dr. Debretsion Gebremichael's Statement, 30 January 2021. Eritrea Hub (31 студзеня 2021). Архівавана з першакрыніцы 31 студзеня 2021.
  9. ↑ Ethiopia's Tigray crisis: 'I lost my hand when a soldier tried to rape me' (15 лютага 2021).
  10. ↑ Financial Times, AFP translators arrested in Ethiopia's Tigray region (1 сакавіка 2021).
  11. ↑ Feleke, Bethlehem. Amnesty International accuses Tigrayan rebel fighters of gang-raping children in Ethiopia, CNN (February 16, 2022), стр. 1.
  12. ↑ а б Men forced to rape family members in Ethiopia's Tigray region, says UN (28 сакавіка 2021).
  13. ↑ а б Reports of executions and mass-rape emerge from the obscured war in Ethiopia's Tigray region (25 сакавіка 2021).
  14. ↑ Situation Report EEPA HORN No. 100 – 10 March 2021. Europe External Programme with Africa (10 сакавіка 2021). Архівавана з першакрыніцы 10 сакавіка 2021.
  15. ↑ Conflict in Tigray Region of Ethiopia – Volume 691: debated on Thursday 25 March 2021. Hansard (25 сакавіка 2021). Архівавана з першакрыніцы 28 сакавіка 2021.
  16. ↑ Health official alleges 'sexual slavery' in Tigray. Reuters. Reuters.
  17. ↑ Removed leader of Ethiopia's Tigray promises 'resistance': Audio (31 студзеня 2021).
  18. ↑ Joint taskforce established to investigate raised concern over violence against women in Tigray (31 студзеня 2021).
  19. ↑ Task force starts investigating alleged sexual violence in Tigray (3 лютага 2021).
  20. ↑ Ethiopia confirms reports of rape in Tigray war (12 лютага 2020).
Узята з "https://be.wikipedia.org/w/index.php?title=Сексуальны_гвалт_падчас_Тыграйскага_канфлікту&oldid=4472639"