Слуцкая капэла Радзівіла
Слуцкая капэла Радзівіла — прыдворны аркестр князя Г. Ф. Радзівіла. Існавала ў 1746—1760 гадах у г. Слуцк. Іграла на балях, маскарадах, сямейных святах, паляваннях, з 1751 года суправаджала паказы Слуцкага тэатра Радзівіла.
| Слуцкая капэла Радзівіла |
|---|
Складалася пераважна з замежных музыкантаў. Капельмайстры А. Ваплер, Ф. Вітман, Т. Гартвіг; выканаўцы Т. Путс (басіст), Ю. Кагут (лютніст), Наверт і Гогенбрукнер (арфісты), Ф. Шперлінг і Ліст (трубачы), Горак (валтарніст), Паўтснер (арганіст), Гартвіг, Я. Мартэнэ і інш.
Капэла выступала ў рэзідэнцыях Радзівіла ў Слуцку і Белай і па-за іх межамі. Сучаснікі адзначалі высокі прафесійны ўзровень капэлы. Пасля смерці Радзівіла капельмайстры і некаторыя музыканты пераведзены ў Нясвіж, дзе працавалі ў Нясвіжскай музычнай школе і Нясвіжскай капэле Радзівілаў.
Літаратура правіць
- Дадзіёмава В. У. Слуцкая капэла Радзівіла // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 29. — 10 000 экз. — ISBN 985-11-0035-8. — ISBN 985-11-0251-2 (т. 15).
- Дадиомова О. В. Музыкальная культура городов Беларуси в XVIII в. — Мн., 1992. — С. 29;