Сусветная служба надвор’я
Сусве́тная слу́жба надво́р’я[1] (ССН) — сістэма з трох сусветных і больш за дваццаць рэгіянальных метэаралагічных цэнтраў.
| Сусветная служба надвор’я | |
|---|---|
| Тып арганізацыі | міжнародная арганізацыя |
| Заснаванне | |
| Дата заснавання | 1963 |
| Матчыная арганізацыя | Сусветная метэаралагічная арганізацыя |
Створана ў 1963[1][2] годзе. Сусветныя цэнтры знаходзяцца ў Вашынгтоне, Маскве і Мельбурне. Міжнароднае супрацоўніцтва службаў надвор’я розных краін ажыццяўляе Сусветная метэаралагічная арганізацыя (СМА).
Асноўная мэта Сусветнай службы надвор’я — забяспечыць аператыўнае ўзаемадзеянне нацыянальных службаў надвор’я шляхам цэнтралізаванага збору, абмену, апрацоўкі і аналізу метэаралагічных і іншых звестак на ўсім зямным шары.
У склад ССН уваходзяць:
- Глабальная сістэма назіранняў (ГСН),
- Глабальная сістэма тэлесувязі (ГСТ),
- Глабальная служба апрацоўкі даных (ГСАД).
Цэнтры Сусветнай службы надвор’я выкарыстоўваюць інфармацыю назіранняў пастаянна дзеючых метэаралагічных і аэралагічных станцый і сетак, метэаралагічных штучных спадарожнікаў, шароў-зондаў і самалётаў, навуковых і метэаралагічных суднаў, станцый ракетнага зандзіравання і інш. Яны апрацоўваюць атрыманую інфармацыю, складаюць і распаўсюджваюць прыземныя і вышынныя карты надвор’я і іншыя прагнозныя матэрыялы. Таксама Сусветная служба надвор’я фарміруе стандарты вымярэння збіраемых даных[3].
Станам на чэрвень 2023 года на сайце Сусветнага інфармацыйнага сэрвіса надвор’я прадстаўлена афіцыйная інфармацыя пра надвор’е для 3451 гарадоў, для 3307 з якіх даступныя прагнозы надвор’я, атрыманыя ад 139 краін-членаў праекта, а для 2209 гарадоў — кліматалагічная інфармацыя, атрыманая з 171 краін[4].
Зноскі
- ↑ а б БелЭн 2002.
- ↑ Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.
- ↑ Погода (руск.) // Сусветная метэаралагічная арганізацыя
- ↑ Всемирный информационный погодный сервис
Літаратура правіць
- Сусве́тная слу́жба надво́р’я // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 288. — 10 000 экз. — ISBN 985-11-0035-8. — ISBN 985-11-0251-2 (т. 15).
- Всемирная служба погоды / Бугаев В. А. // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
- Морина О. М., Дербенцева А. М., Морин В. А. Метеорология и климатология: учебное пособие — Хабаровск: Изд-во Тихоокеан. гос. ун-та, 2013. — 68 с. — 100 экз. — ISBN 978-5-7389-1275-7. (руск.)
Спасылкі правіць
- Всемирный информационный погодный сервис // Всемирная метеорологическая организация
- Всемирная служба погоды // Метео Энциклопедия (руск.)
- 23 марта ― Всемирный метеорологический день // Музей истории Гидрометцентра России Архівавана 26 лістапада 2022. (руск.)
- Всемирная служба погоды (ВСП) Архівавана 2 ліпеня 2021. (руск.) // Сайт Міністэрства надзвычайных сітуацый Расійскай Федэрацыі
- Всемирный метеорологический день (День метеоролога) 2023 // Экалагічны інфармацый1ны цэнтр «Эко-Инфо» ЦНБ НАН Беларусі