Вікіпедыя

Сцяпан Аляксандравіч Пуціла

(Пасля перасылкі з Сцяпан Пуціла)

Сцяпан Аляксандравіч Пуціла (псеўд. Сцяпан Святлоў, нар. 27 ліпеня 1998 г. у Мінску) — беларускі журналіст, аўтар папулярных грамадска-палітычных каналаў у Беларусі з агульнай назвай «NEXTA»[1].

Сцяпан Пуціла
Асабістыя звесткі
Імя пры нараджэнні Сцяпан Аляксандравіч Пуціла
Дата нараджэння 27 ліпеня 1998(1998-07-27) (25 гадоў)
Месца нараджэння
Жыццё Беларусь, Польшча
Род дзейнасці журналіст, відэаблогер
Вэб-сайт nexta.tv
Канал на YouTube
Назва канала NEXTA
Гады актыўнасці 2015 — цяперашні час
Жанр палітыка, грамадства
Падпісанты 657 000 (чэрвень 2022)
Калектывы NEXTA
У Вікіпедыі ёсць артыкулы пра іншых асоб з прозвішчам Пуціла.

Біяграфія правіць

 
Сцяпан Пуціла на цырымоніі ўручэння прэміі Сахарава

Сын журналіста Аляксандра Пуцілы, які раней працаваў спартыўным каментатарам Белтэлерадыёкампаніі, а пасля аглядальнікам спартыўных навін на тэлеканале «Белсат» у Польшчы[2].

Вучыўся ў Сеніцкай сярэдняй школе імя Янкі Купалы[3], пасля чаго скончыў Беларускі гуманітарны ліцэй імя Якуба Коласа, пазбаўлены афіцыйнага статусу навучальнай установы. Пра сваю альма-матар Сцяпан Пуціла сказаў[4]:

  Для мяне асабіста Ліцэй – час пачаткаў. Там я пачаў здымаць першыя (не)сур’ёзныя відэа — старажылы абавязкова будуць памятаць супершоу «Банкі цягнуць»; пачаў займацца журналістыкай – выдаў нават некалькі нумароў культавай газеты «Трыкутнік»; пачаў займацца музыкай. Вынікам нашай з сябрамі працы сталі песні гурта NEXTA — «Выбора нет» ды «Феерверк».  

Атрымаў вядомасць па назве свайго Ютуб-канала, стаў адным з самых папулярных беларускіх грамадска-палітычных блогераў. У лютым 2018 года супраць Сцяпана Пуцілы спрабавалі завесці крымінальную справу паводле артыкула 368 КК РБ «Абраза прэзідэнта» за ролікі на YouTube, нібыта па скарзе невядомай грамадзянкі. З таго часу ён не наведвае Беларусь[5].

У сакавіку 2019 атрымаў Нацыянальную прэмію за абарону правоў чалавека імя Віктара Івашкевіча[6].

Жыве ў Польшчы[7], дзе скончыў вучобу. З восені 2018 года вядзе праграму інфармацыйна-забаўляльную праграму «Суб’ектыў» на тэлеканале «Белсат»[8].

У 2020 годзе Пуціла разам з іншымі прадстаўнікамі беларускага дэмакратычнага руху атрымаў прэмію Сахарава[9].

3 мая 2023 года Мінскі абласны суд завочна прыгаварыў Пуцілу да 20 гадоў калоніі[10].

Публічная дзейнасць правіць

Публічную дзейнасць пачаў у кастрычніку 2015 года, стварыўшы канал NEXTA на YouTube. Асноўны напрамак — «забаўляльны, інфармацыйны або музычны кантэнт»[11]. Найбольш папулярнае відэа — «Их ждёт смертная казнь» пра чарговы смяротны прысуд у Беларусі: 5,3 млн праглядаў[12]. Першае відэа — песня «Выбора нет», прымеркаваная да прэзідэнцкіх выбараў з заклікам да іх байкоту[13]. Спецслужбы амаль адразу ж зацікавіліся асобай блогера: прыходзілі, сярод іншага, у школу, высвятлялі, хто ён такі ды адкуль узяўся[14].

У 2017 годзе ўдзельнічаў у некалькіх акцыях пратэсту, у тым ліку ў родапачынальніку Маршаў недармаедаў — «Маршы абураных беларусаў» 17 лютага 2017 года, з якога вёў стрым-трансляцыю ў Periscope[ru]. Выпусціў некалькі відэаролікаў, прысвечаных пратэстам у Беларусі[14].

З восені 2018 года актыўна вядзе канал у Telegram[7]. Частка інфармацыі публікуецца ў дадатковым канале NEXTA Live, разлічаным на менш важныя навіны[15]. Аўдыторыя пашырылася ў тым ліку дзякуючы інсайдам з МУС Беларусі[16]. Былы міністр унутраных спраў Ігар Шуневіч перад сваёй адстаўкай заявіў, што выкрыў крыніцы Telegram-канала NEXTA[17], аднак блогер гэтую заяву абвергнуў[18].

З верасня 2018 года робіць праграму «Суб’ектыў» для тэлеканала «Белсат»[19].

Фільмаграфія правіць

Гл. таксама правіць

Зноскі

  1. ↑ NEXTA в других соцсетях и сервисах
  2. ↑ Бацька відэаблогера NEXTA, якога западозрылі ў абразе Лукашэнкі: Кішка тонкая, каб нас запалохаць
  3. ↑ Степан Светлов — Краткая информация
  4. ↑ Коласаўскаму ліцэю — 29. Блогер NEXTA ды іншыя выпускнікі — пра сваю альма-матар. 14 студзеня 2019
  5. ↑ nashaniva.by
  6. ↑ Блогер Nexta атрымаў Нацыянальную прэмію за абарону правоў чалавека імя Віктара Івашкевіча
  7. ↑ а б «90 % людей хотят остаться анонимами. Все боятся, но многие даже не знают, чего». Большое интервью с создателем Telegram-канала NEXTA. 22 мая 2019
  8. ↑ Суб’ектыў на «Белсаце»
  9. ↑ «На их стороне правда». Премию Сахарова за 2020 год получила белорусская оппозиция
  10. ↑ Прысуд Раману Пратасевічу і астатнім фігуранты «справы N*XTA» ўступіў у сілу. Новы Час (18 мая 2023).
  11. ↑ Пра канал NEXTA на YouTube
  12. ↑ Их ждёт смертная казнь
  13. ↑ Нам па 18, але галасаваць ня хочацца. Ліцэйскі гурт «NEXTA» запісаў песьню-заклік да байкоту
  14. ↑ а б «Текст о сотруднике ГАИ набирал дрожащими руками». Интервью с автором канала NEXTA. 22 мая 2019 Архівавана 15 жніўня 2020.
  15. ↑ NEXTA Lite
  16. ↑ Хто зьлівае блогеру NEXTA ўнутраныя зводкі міліцыі
  17. ↑ На развітанне Шуневіч сказаў, што раскрыў крыніцы тэлеграм-канала Нехта, і паабяцаў звольніць іх з міліцыі
  18. ↑ Шуневіч сказаў, што вылічыў крыніцы ўцечкі службовай інфармацыі. NEXTA гэта зняпраўджвае
  19. ↑ belsat.eu

Спасылкі правіць

Узята з "https://be.wikipedia.org/w/index.php?title=Сцяпан_Аляксандравіч_Пуціла&oldid=4513965"