Сядзіба Бунге

Сядзіба Бунге — помнік архітэктуры класіцызму 1-й паловы XIX стагоддзя ў аграгарадку Новы Двор Мінскага раёна.

Славутасць
Сядзіба Бунге
53°48′49″ пн. ш. 27°39′25″ у. д.
Краіна	Беларусь
Месцазнаходжанне	Новы Двор
Канфесія	БПЦ
Епархія	Мінская епархія
Архітэктурны стыль	класіцызм
Дата пабудовы	XIX ст.

Апісанне

Сядзіба ўключае ў сябе палац, дом для прыслугі і браму. Мураваны 2-павярховы будынак палаца пабудаваны ў стылі класіцызм. Доўгі час (да 1989 года) будынак выкарыстоўваўся калгасам, размяшчаўся Дом бытавога абслугоўвання насельніцтва. З 1989 па 1994 год будынак пуставаў. Цяпер у будынку праваслаўны храм у імя Святога архангела Міхаіла Беларускай праваслаўнай царквы.

Рэшткі брамы

Мураваны 2-павярховы будынак на фасадзе вылучаны рызалітам, двухсхільны дах якога завершаны макаўкай на чатырохгранным барабане. Фасады рытмічна расчлянёны лучковымі на першым і прамавугольным на другім паверхах аконнымі праёмамі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4