Сядзібны дом (Беразіно)

Сядзіба Патоцкіх у Беразіно — помнік архітэктуры класіцызму ў г. Беразіно. Пабудаваны ў першай палове XIX ст. на ўмацаваным бутавай падпорнай сценкай правым крутым беразе ракі Бярэзіна (сучасная вул. Набярэжная, 1). Належаў Патоцкім. Помнік рэспубліканскага значэння.

Гарадская сядзіба
Гарадская сядзіба Патоцкіх
SiadzibaPatockih2017.jpg
Сядзіба Патоцкіх у Беразіно (фотаздымак верасень 2017 года)
53°50′10″ пн. ш. 27°33′13″ у. д.HGЯO
Краіна Flag of Belarus.svg Беларусь
Горад Беразіно
Архітэктурны стыль класіцызм
Будынкі
сядзібны дом

АрхітэктураПравіць

Мураваны, прамавугольны ў плане двухпавярховы будынак накрыты вальмавым дахам. У цэнтры галоўнага фасада на чатырох пілонах мезанін завершаны трохвугольным франтонам. Дом апаясаны прафіляваным карнізам з дэнтыкуламі. Цэнтральным акцэнтам дваровага фасада з'яўляецца паўкруглы эркер накрыты сферычным купалам і члянёны паўцыркульнымі аконнымі праёмамі. Міжпаверхавы плоскі пояс дзеліць фасады на два ярусы. Прамавугольныя аконныя праёмы аздобленыя руставанымі лучковымі броўкамі. Сіметрыя будынку парушаная двухпавярховай прыбудовай да паўднёвай тарцовай часткі. У калідорнай планіроўцы дому вылучаныя цэнтральны вестыбюль і круглая парадная зала. Міжпаверхавая лесвіца размешчана асіметрычна ў паўночным канцы калідору.

 
Сядзіба Патоцкіх у Беразіно (фотаздымак меркавана да 1914 года)

ГісторыяПравіць

Пасля рэвалюцыі 1917 года сядзіба паступова прыходзіла ў заняпад. Да 1970-х гадоў там размяшчалася школа, затым склад. Пазней будынак ніяк не выкарыстоўваўся і прыйшоў да занядбанага стану. Каменныя прыступкі, якія калісьці вялі да ракі, зніклі некалькі ў 1980-я гады. Да пачатку 1980-х яшчэ былі рэшткі сцен графскіх стайняў, складзеных з чырвонай цэглы[1].

У снежні 2011 года палац быў прададзены на аўкцыёне за 112 млн бел. рублёў з абавязковымі ўмовамі да новага гаспадара правесці рэканструкцыю гістарычнага будынка і захаваць турыстычнае прызначэнне аб'екта[2].

 
Сядзіба Патоцкіх у Беразіно (фотаздымак меркавана да 1918 года)
 
Сядзіба Патоцкіх у Беразіно (фотаздымак меркавана да 1917 года)

Зноскі

ЛітаратураПравіць

  • Архітэктура Беларусі. — Мн., 1993.

СпасылкіПравіць