Сядзібны дом (Малая Бераставіца)
Сядзібна-паркавы ансамбль Валкавіцкіх — помнік сядзібна-паркавай архітэктуры другой паловы XVIII ст. Заснаваны ў в. Малая Бераставіца (Бераставіцкі раён). Захаваліся будынак крухмальнага завода, службовая пабудова, дом для працоўных і рэшткі парку. Сядзібны дом згарэў у 1980 — 1990-х гадах.
Сядзібна-паркавы комплекс | |
Сядзібна-паркавы ансамбль Валкавіцкіх | |
---|---|
53°17′22,25″ пн. ш. 23°55′31,39″ у. д.HGЯO | |
Краіна | Беларусь |
Аграгарадок | Малая Бераставіца |
Архітэктурны стыль | барока |
Дата заснавання | XVIII ст. |
Будынкі | |
Крухмальны завод • службовая пабудова • дом для працоўных | |
Архітэктура правіць
Сядзіба была размешчана ў глыбіні панадворку, абмежаванага каналам і ставам. Прамавугольны ў плане аднапавярховы мураваны дом накрыты мансардавым дахам з люкарнамі ў абрамленні фігурных ліштваў. Па тарцах фланкіраваны драўлянай прыбудовай (XIX ст.) і рызалітам з паўвальмавым дахам. Галоўны ўваход — асіметрычны, вылучаны ганкам з лучковай стрэшкай на чатырох слупах. Фасады раскрапаваныя лапаткамі і расчлянёныя прамавугольнымі аконнымі праёмамі. Планіроўка анфіладная.
Літаратура правіць
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі правіць
- На Вікісховішчы пакуль няма медыяфайлаў па тэме, але Вы можаце загрузіць іх
- Сядзібны дом (Малая Бераставіца) на сайце Radzima.org
- Сядзібны дом (Малая Бераставіца) на сайце Глобус Беларусі (руск.)
- Сядзібны дом (Малая Бераставіца) на сайце «Архіварта»