Сямён Сцяпанавіч Лебедзь

Сямён Сцяпанавіч Ле́бедзь (нар. 25 ліпеня 1934) — вучоны ў галіне машынабудавання, доктар тэхнічных навук (1992), прафесар (1994).

Сямён Сцяпанавіч Лебедзь
Дата нараджэння	25 ліпеня 1934(1934-07-25) (89 гадоў)
Месца нараджэння	Казяны, Браслаўскі павет, Віленскае ваяводства, Польская Рэспубліка
Грамадзянства	СССР  Беларусь
Род дзейнасці	навуковец
Навуковая сфера	машынабудаванне
Месца працы	Беларускі дзяржаўны тэхналагічны ўніверсітэт
Навуковая ступень	доктар тэхнічных навук (1992)
Навуковае званне	прафесар
Альма-матар	Беларускі лесатэхнічны інстытут імя С. М. Кірава (1958)

Біяграфія

Нарадзіўся ў вёсцы Казяны Браслаўскага раёна Віцебскай вобласці. У 1958 годзе скончыў Беларускі лесатэхнічны інстытут. З 1961 года ў Беларускім дзяржаўным тэхналагічным універсітэце. Выкладаў тэарэтычную механіку, пазней перайшоў на адну са спецыяльных кафедраў, прафесар кафедры лясных машын і тэхналогіі лесанарыхтовак.

Навуковая дзейнасць

С. С. Лебедзю належаць працы па стварэнні тэхнікі і абсталявання механізацыі працаёмкіх працэсаў у лясной гаспадарцы і дрэваапрацоўчай прамысловасці, распрацоўцы тэарэтычных асноў праектавання загрузачных і пакетафарміравальных машын малой энергаёмістасці, машын для нарыхтоўкі і апрацоўкі буйных лесаматэрыялаў і інш.

Літаратура

• Міляшкевіч Я. Г. Лебедзь Сямён Сцяпанавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 175. — 10 000 экз. — ISBN 985-11-0035-8. — ISBN 985-11-0155-9 (т. 9).