Тавакуль Карман

Тавакуль Карман (араб. توكل كرمان, таксама Тавакель; нар. 7 лютага 1979(1979-02-07)^[…], Таіз) — еменская праваабаронца, лаўрэат Нобелеўскай прэміі міру (2011) сумесна з Леймай Гбові і Элен Джонсан-Серліф «за негвалтоўную барацьбу за бяспеку жанчын і за правы жанчын на паўнапраўны ўдзел у пабудове міру».

Тавакуль Карман
араб. توكل كرمان‎‎
Род дзейнасці	пацыфіст, журналістка, палітык, праваабаронца
Дата нараджэння	7 лютага 1979(1979-02-07)[…] (45 гадоў)
Месца нараджэння	Таіз, мухафаза Таіз[d]
Грамадзянства	Емен
Веравызнанне	мусульмане
Альма-матар	Sanaa University[d] Альберцкі ўніверсітэт Масачусецкі ўніверсітэт у Лоўэлі
Член у	Nobel Women's Initiative[d]
Узнагароды і прэміі	Нобелеўская прэмія міру (2011)
Сайт	tawakkolkarman.net (ар.)​ (англ.) tkif.org/en/
Медыяфайлы на Вікісховішчы

Біяграфія

Тавакуль Карман нарадзілася 7 лютага 1979 у еменскай горадзе Таіз. У 2005 годзе яна стварыла праваабарончы рух «Жанчыны журналісты без кайданоў», мэтай якога з'яўляецца абарона правоў чалавека, у асаблівасці права на свабоду перакананняў і на свабодны іх выраз і дэмакратычных правоў. Па сцвярджэнні Карман, яна атрымлівала ад уладаў пагрозы па тэлефоне і па пошце з-за яе адмовы прыняць адхіленне заяўкі руху на стварэнне афіцыйнай газеты і радыёстанцыі. З 2007 па 2010 гг. Карман неаднаразова арганізоўвала акцыі пратэсту і сядзячыя дэманстрацыі на Плошчы Свабоды ў Сане перад будынкам урада. Карман неаднаразова падвяргалася палітычным пераследам за сваю актыўную пазіцыю па прасоўванню дэмакратыі. Так, у студзені 2011 года яна на кароткі тэрмін была арыштаваная за нібыта вядучую ролю ў арганізацыі незаконных пратэстаў і падбухторванні да беспарадкаў у Емене.