Адкрыць галоўнае меню
Трапічны лес у Конга
Лакандонскі лес у Мексіцы

Трапічны лес — лес, распаўсюджаны ў трапічным, экватарыяльным і субэкватарыяльным паясах[1] паміж 25° пн. ш. і 30° пд. ш.[2] Трапічныя лясы сустракаюцца ў шырокім поясе, які акружае Зямлю па экватары і разрываецца толькі акіянамі і горамі.

Агульная цыркуляцыя атмасферы адбываецца з зоны высокага атмасфернага ціску ў раёне тропікаў у зону нізкага ціску ў раёне экватара, у тым жа кірунку пераносіцца вільгаць. Гэта прыводзіць да існавання вільготнага экватарыяльнага пояса і сухога трапічнага. Паміж імі знаходзіцца субэкватарыяльны пояс, у якім увільгатненне залежыць ад кірунку ветру (мусону), які залежыць ад пары года[3].

Расліннасць трапічных лясоў вельмі разнастайная, залежыць галоўным чынам ад колькасці ападкаў і іх размеркавання паводле пораў года. У выпадку багатых (звыш 2000 мм) і іх больш-менш раўнамернага размеркавання развіваюцца вільготнатрапічныя вечназялёныя лясы. Па меры аддалення ад экватара з'яўляюцца лясы, у якіх увільгатненне залежыць ад пары года: дажджлівы перыяд змяняецца сухім. Гэта — зімнезялёныя пераменна-вільготныя трапічныя лясы з лісцем, якое ападае на час засухі. Далей гэтыя лясы змяняюцца саваннавымі лясамі[1]. Пры гэтым у Афрыцы і Паўднёвай Амерыцы мусонныя і экватарыяльныя лясы змяняюцца саваннавымі лясамі з захаду на ўсход[4]. Пры яшчэ больш засушлівым клімаце дрэвастоі разрэджваюцца, саваннавыя лясы змяняюцца ксерафільнымі калючымі лясамі і зараснікамі кустоў[1].

Зноскі

  1. 1,0 1,1 1,2 Тропический лес. Лесная энциклопедия / Гл. редактор Г. И. Воробьёв — М.: Советская энциклопедия, 1986. — Т. 2. — 631 с. — 100 000 экз.
  2. Тропические леса — статья из Большой советской энциклопедии (3-е издание). Архівавана з першакрыніцы 17 красавіка 2013. Праверана 8 красавіка 2013.
  3. Циркуляция атмосферы — статья из Большой советской энциклопедии (3-е издание). Архівавана з першакрыніцы 10 мая 2013. Праверана 30 красавіка 2013.
  4. Шаблон:ВТ-ВСЭ1

СпасылкіПравіць