Тросна (возера, басейн Палаты)

Тросна — возера ў Полацкім раёне Віцебскай вобласці ў басейне ракі Палата, за 33 км на паўночны ўсход ад Полацка, за 8 км на захад ад вёскі Труды.

Тросна
Морфаметрыя
Вышыня над узроўнем мора	140,9 м
Даўжыня	1 км
Шырыня	0,6 км
Плошча	0,45 км²
Даўжыня берагавой лініі	2,77 км
Басейн
Плошча вадазбору	3,5 км²
Выцякаюць	ручай Тросніца
Размяшчэнне
Краіна	Беларусь
Рэгіён	Віцебская вобласць
Тросна
Тросна

Плошча паверхні возера складае 0,45 км². Даўжыня 1 км, найбольшая шырыня 0,6 км. Даўжыня берагавой лініі 2,77 км. Плошча вадазбору 3,5 км².
Катлавіна возера круглаватай формы. Схілы катлавіны вышынёй 5—10 м. Берагавая лінія слабазвілістая. Берагі нізкія, у заходняй частцы возера забалочаныя. У паўночна-заходняй частцы востраў плошчай каля 1 га. На поўдні выцякае ручай (рака) Тросніца ў раку Палата.

У возеры водзяцца лешч, шчупак, плотка, гусцяра, карась, лінь, краснапёрка і іншыя віды рыб.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 528. — 552 с. — 10 000 экз. — ISBN 985-11-0251-2 (Т. 15).
• Энцыклапедыя прыроды Беларусі. У 5-і т. Т.5. Стаўраструм — Яшчур / Рэдкал.: І. П. Шамякін (гал. рэд.) і інш. — Мн.: БелСЭ, 1986. — Т. 5. — 583 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 21. — 72 с. — 10 000 экз. — ISBN 978-985-508-136-5. (руск.)
• Республика беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)

Спасылкі

• Возера Тросна Архівавана 15 сакавіка 2013.