ФК ДБК-Гомель
«ДБК-Гомель» — беларускі футбольны клуб з горада Гомель, прадстаўляе Гомельскі ДомаБудаўнічы Камбінат.
ДБК-Гомель | |
---|---|
![]() | |
Мянушкі | будаўнікі |
Заснаваны | 2008 |
Горад | Гомель, Беларусь |
Стадыён |
СДЮШАР-8 (штучнае поле) Умяшчальнасць: 5000 |
Галоўны трэнер | Міхаіл Ерамчук |
Чэмпіянат | Другая ліга |
Гісторыя
правіцьКлуб быў заснаваны ў 2008 годзе і адразу выйграў Другую лігу. З 2009 года ўдзельнічаў у Першай лізе Беларусі. Клуб намагаўся выйсці ў Вышэйшую лігу, але здолеў толькі двойчы стаць бронзавым прызёрам у другім дывізіёне.
У Кубку Беларусі 2009/2010 зрабіў сенсацыю, дайшоўшы да паўфінала (у 1/8 былі абыграны землякі з Гомеля, а ў чвэрцьфінале будаўнікі пасля хатняга паражэння 0:2 ад мінскага «Дынама» ўзялі рэванш у гасцях — 3:1, і толькі ў паўфінале саступілі жодзінскаму «Тарпеда»). У 2010 фарм-клуб ДБК-2 прымаў удзел у Другой лізе.
Сезон 2011 клуб, аднак, скончыў толькі на 12 месцы ў Першай лізе, а ў 2012 з вялікай цяжкасцю захаваў месца ў Першай лізе. У лютым 2013 клуб спыніў сваё існаванне[1].
У красавіку 2016 года стала вядома аб аднаўленні клуба, які заявіўся ў Другую лігу[2][3]. Пры гэтым, у Другой лізе таксама пачаў выступленні самастойны клуб ДЮСШ-ДБК, складзены з выхаванцаў дзіцячай школы былога клуба. Аднак, 29 красавіка 2016 года, за дзень да першага матча, каманда знялася з турніру[4].
Дасягненні
правіць- Пераможца Другой лігі чэмпіянату Беларусі: 2008
- Бронзавы прызёр Першай лігі чэмпіянату Беларусі (2): 2009, 2010
- Паўфіналіст Кубка Беларусі: 2010
Статыстыка выступленняў
правіцьЧэмпіянат і Кубак Беларусі
правіцьСезон | Ліга | М | Г | В | Н | П | Галы | Ачкі | Кубак | Заўвагі |
---|---|---|---|---|---|---|---|---|---|---|
2008 | Другая (Д3) | 1 | 30 | 23 | 5 | 2 | 67–17 | 74 | 1/32 фінала | Выхад у Першую лігу |
2009 | Першая (Д2) | 3 | 26 | 13 | 9 | 4 | 34–18 | 48 | Паўфінал | |
2010 | Першая (Д2) | 3 | 30 | 17 | 7 | 6 | 52–26 | 58 | 1/8 фінала | |
2011 | Першая (Д2) | 12 | 30 | 8 | 10 | 12 | 28–34 | 34 | 1/16 фінала | |
2012 | Першая (Д2) | 14 | 28 | 1 | 5 | 22 | 9–62 | 8 | 1/16 фінала | Спыненне існавання |
Трэнеры
правіць- Вячаслаў Акшаеў (2009—2010)
- Міхаіл Віктаравіч Ерамчук (2016)