Фёдар Кузьміч Курапаценка

Фёдар Кузьміч Курапаценка (2 сакавіка 1903, вёска Малыя Бялевічы, Быхаўскі павет, Магілёўская губерня — 1993) — беларускі вучоны ў галіне землеўпарадкавання, Заслужаны работнік вышэйшай школы (1973). Прафесар (1961).

Фёдар Кузьміч Курапаценка
Дата нараджэння	2 сакавіка 1903(1903-03-02)
Месца нараджэння	Малыя Бялевічы, Быхаўскі павет, Магілёўская губерня, Расійская імперыя
Дата смерці	1993
Месца смерці	Мінск, Беларусь
Грамадзянства	Беларусь
Род дзейнасці	навуковец, глебазнавец, выкладчык універсітэта
Навуковая сфера	землеўпарадкаванне
Месца працы	Беларуская дзяржаўная сельскагаспадарчая акадэмія
Альма-матар	Беларуская дзяржаўная сельскагаспадарчая акадэмія
Узнагароды

Біяграфія

Скончыў БСГА (1931). Удзельнік Вялікай Айчыннай вайны. У 1932—1937 гадах інжынер-землеўпарадчык Рэчыцкага раёна Гомельскай вобласці. З 1939 годзе ў БСГА, загадчык кафедры землеўпарадкавальнага праектавання (1949—1971), прафесар гэтай кафедры (з 1971). Аўтар навуковых прац па землеўпарадкаванні, картаграфіі і геадэзіі.

Узнагароды

Узнагароджаны ордэнамі Кастрычніцкай рэвалюцыі (1971), «Знак Пашаны» (1961, 1966) і іншымі ордэнамі, медалём «За працоўную доблесць» (1953) і інш.

Асноўныя публікацыі

• Землеустроительное картографирование зон деятельности МТС и административных районов. — Горки, 1957.
• Проблемы современного землеустройства. — Мн., 1977 (у сааўт.).

Літаратура

• Курапаценка Фёдар Кузьміч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С. 42