Хаві

Хаві Эрнандэс (катал.: Xavier Hernández i Creus; нар. 25 студзеня 1980, Тэраса, Іспанія) — іспанскі футбаліст (паўабаронца) і трэнер. Атрымаў вядомасць дзякуючы выступам «Барселону» (дзе быў капітанам) і нацыянальную зборную Іспаніі. Лічыцца адным з найвялікшых паўабаронцаў усіх часоў і лепшым плеймейкерам свайго пакалення.

Хаві Эрнандэс
Агульная інфармацыя
Мянушка	Xavi
Нарадзіўся	25 студзеня 1980(1980-01-25) (44 гады) Тэраса, камарка Вальес-Аксідэнталь[d], сталічная акруга Барселона[d], правінцыя Барселона, Каталонія, Іспанія
Грамадзянства	Іспанія
Рост	170 см
Вага	68 кг
Пазіцыя	паўабаронца
Інфармацыя пра клуб
Клуб	Барселона
Пасада	галоўны трэнер
Клубная кар’ера
1997—2000 Барселона B 61 (4) 1998—2015 Барселона 505 (58) 2015—2019 Аль-Сад 82 (21)
Нацыянальная зборная
1997 Іспанія (да 17) 10 (2) 1997—1998 Іспанія (да 18) 10 (0) 1999 Іспанія (да 20) 6 (2) 1998—2001 Іспанія (да 21) 25 (7) 2000 Іспанія (да 23) 6 (2) 2000—2014 Іспанія 133 (12) 1998—2016 Каталонія 12 (2)
Трэнерская кар’ера
2019—2021 Аль-Сад 2021— Барселона
Узнагароды і медалі
Алімпійскія гульні Срэбра Сідней 2000 футбол Чэмпіянаты свету Золата ПАР 2010 Кубкі канфедэрацый Бронза ПАР 2009 Срэбра Бразілія 2013 Чэмпіянаты Еўропы Золата Аўстрыя/Швейцарыя 2008 Золата Польшча/Украіна 2012
Медыяфайлы на Вікісховішчы

У цяперашні час працуе галоўным трэнерам «Барселоны».

Клубная кар’ера

«Барселона»

Хаві паступіў у Ла Масію, юнацкую акадэмію «Барселоны», у 11 гадоў. Яго дэбют за асноўную каманду адбыўся 18 жніўня 1998 года ў матчы супраць «Мальёркі». З тых часоў ёнў згуляў больш за 700 матчаў, забіў больш за 80 галоў і аддаў больш за 180 галявых перадач больш чым 50 розных гульцам. Хаві стаў першым гульцом «Барселоны», які згуляў 150 міжнародных матчаў.

Разам з каталонскім клубам 8 разоў выйграваў чэмпіянат Іспаніі, а таксама стаў чатырохразовым пераможцам Лігі чэмпіёнаў (2005/06, 2008/09, 2010/11, 2014/15). Ён таксама быў прызнаны лепшым гульцом фінальнага матчу Лігі чэмпіёнаў у 2009 годзе.

«Аль-Сад»

21 мая 2015 года Хаві абвясціў аб тым, што летам сыдзе з «Барселоны», а новым клубам стане катарскі «Аль-Сад». Апошнім матчам у складзе «сіне-гранатавых» стаў фінал Лігі чэмпіёнаў 6 чэрвеня, у якім «Барселона» перамагла «Ювентус» з лікам 3:1. 11 чэрвеня 2015 года быў афіцыйна прадстаўлены ў якасці іграка «Аль-Сада».

У маі 2019 года згуляў апошні матч за «Аль-Сад» і завяршыў кар’еру іграка. Неўзабаве ён афіцыйна быў прызначаны галоўным трэнерам катарскай каманды і падпісаў двухгадовы кантракт.

Міжнародная кар’ера

Хаві выйграў чэмпіянат свету 1999 сярод гульцоў да 20 гадоў за зборную Іспаніі, а таксама сярэбраны медаль на Алімпійскіх гульнях 2000 у Сіднеі. Дэбютаваўшы за дарослую каманду ў 2000 годзе, ён сыграў больш за 120 матчаў за нацыянальную зборную і аказаў велізарны ўплыў на поспехі каманды. Хаві адыграў ключавую ролю ў перамозе зборнай Іспаніі на чэмпіянаце свету 2010, таксама як і на чэмпіянатах Еўропы ў 2008 і 2012 гадах. УЕФА прызнала яго лепшым гульцом чэмпіянату Еўропы 2008. Хаві уваходзіў у сімвалічныя зборныя чэмпіянату свету 2010 і чэмпіянатаў Еўропы 2008 і 2012 гадоў. У фінале чэмпіянату Еўропы 2012 Хаві аддаў 2 галявыя перадачы і стаў першым гульцом у гісторыі, які аддаваў галявыя перадачы ў двух фіналах чэмпіянатаў Еўропы запар.

5 жніўня 2014 года Хаві афіцыйна абвясціў аб сваім зыходзе з нацыянальнай зборнай.

Трэнерская кар’ера

У маі 2019 года стаў галоўным трэнерам катарскага «Аль-Сада», дзе перад гэтым выступаў у якасці іграка. Прывёў клуб да перамогі ў чэмпіянаце Катара ў сезоне 2020/21, таксама па два разы выйграў Кубак Катара і Кубак эміра Катара, аднойчы — Кубак зорак Катара.

6 лістапада 2021 года быў прызначаны галоўным трэнерам «Барселоны», а 8 лістапада адбылася афіцыйная прэзентацыя Хаві ў якасці галоўнага трэнера каманды.

Узнагароды

Хаві выйграў большую колькасць трафеяў (25), чым любы іншы іспанскі гулец у гісторыі. Ён быў ганараваны ўзнагароды лепшага гульца 2010 па версіі часопіса World Soccer. Хаві пяць разоў быў намінаваны на Залаты Мяч і займаў трэцяе месца ў 2009, 2010 і 2011 гадах. У 2011 годзе ён заняў другое месца ў галасаванні на прыз найлепшаму футбалісту года ў Еўропе, саступіўшы толькі Ліянелю Месі. IFFHS чатыры гады запар прызнавала яго лепшым плеймейкерам (2008, 2009, 2010, 2011). Хаві пяць гадоў запар уваходзіў у сімвалічную зборную года па версіі УЕФА (2008, 2009, 2010, 2011, 2012) і шэсць гадоў запар у сімвалічную зборную па версіі ФІФА (2008, 2009, 2010, 2011, 2012, 2013).

Спасылкі

• Профіль іграка (ісп.)(недаступная спасылка). Афіцыйны сайт «Барселоны». Архівавана з першакрыніцы 10 снежня 2010. Праверана 2010-10-7.