Хронотопь

«Хронотопь» — сеткавы кінематаграфічны праект аб міфалогіі сучаснага чалавека, рытуалах і абрадах нашага часу. Праект створаны калектывам аўтараў пад куратарствам Андрэя Кудзіненкі.

Пазіцыянуе сабе як погляд на рэчаіснасць, свабодны ад прапаганды, шаблонаў рынку, фарматаў фестывальнага мэйнстрыму. Шукае новыя формы існавання кінематографа: яго фінансавання, вытворчасці, дэманстрацыі, аб’яднання, навучання. У межах праекту створаны кароткія (у сярэднім 3—7 хвілін) эпізоды ў жанры ігравога ці дакументальнага кіно, мак’юмэнтары, анімацыі, якія аб’яднаныя ў альманахі. Створаны вэб-серыял, адукацыйныя праграмы, ладзяцца фестывалі, існуе прафесійнае таварыства ўзаемадапамогі па стварэнні незалежнага кіно.

Фестывалі і мерапрыемствы

• альманах «Хронотопь #375» — найлепшы фільм у конкурсе «Омнибус» кінафестываля «Киношок 2015» (Расія)
• эпізод «Тайна горбатой ямы» — другі прыз «Sensacyjna lato filmow» (Польшча)
• сумесна с кінашколай-студыяй Андрэя Полупанава (Мінск) праведзены два навучальных практыкума-інтэнсіва «ХронотопЬ» 1.0 і 2.0
• 1—8 ліпеня 2016 года ў арт-вёсцы Каптаруны (Віцебская вобласць) прайшоў арт-фэст «Хронотопь.Обнуление» і кіналетнік
• у 2016 годзе альманах «Танатос и Эрос» удзельнік фестываля «Киношок» (Анапа), фестываля «Bulbamovie» (Мінск, Гродна, Уроцлаў, Варшава)
• «Венок» — прыз глядацкіх сімпатый фестываля «Bulbamovie»

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйная старонка «Хронотопь» у сацыяльнай сетцы «УКантакце»