Царква Святога Іаана Хрысціцеля (Пціч)

Царква Святога Іаана Хрысціцеля — храм у в. Пціч Пухавіцкага раёна Мінскай вобласці. Царква знаходзіцца на тэрыторыі музея «Дудуткі». З 2015 года ўваходзіць у 2-ую Пухавіцкую благачынную акругу[1].

Славутасць
Царква Святога Іаана Хрысціцеля
Dudutki Museum Church (15537852093).jpg
53°35′51″ пн. ш. 27°40′57″ у. д.HGЯO
Краіна Flag of Belarus.svg Беларусь
Месцазнаходжанне
Канфесія праваслаўная
Епархія Барысаўская
Благачынне Другое Пухавіцкае благачынне
Першае згадванне 2007
Лагатып Вікісховішча Царква Святога Іаана Хрысціцеля на Вікісховішчы


ГісторыяПравіць

Ідэя будаўніцтва праваслаўнай царквы ў музеі «Дудуткі» нарадзілася ў 2006 годзе. Заснавальнікі музея і калектыў прынялі рашэнне стварыць прыход і запрасіць праваслаўнага святара ў музей для арганізацыі жыццядзейнасці царкоўнай абшчыны. Асноўнай мэтай рэалізацыі гэтай ідэі ў музеі было прыцягненне працаўнікоў музейнага комплекса, жыхароў навакольных вёсак і гасцей узея да духоўнай гісторыі беларускага народа, адраджэння культурнай спадчыны праваслаўных абшчын Пухавіцкай зямлі. У тым жа 2006 годзе было выдзелена часовае памяшканне ў прылеглай да музея вёсцы Пціч для правядзеннянабажэнстваў паводле праваслаўнага абраду.

Святар Яўген Грамыка, які быў накіраваны епархіяльным упраўленнем Беларускага экзархата, 27 лістапада 2006 г. здзейсніў першую Боскую Літургію ў часовым памяшканні Царквы. Акрамя набажэнстваў, у царкве сталі здзяйсняцца споведзь і прычасце, хрышчэнне, вянчанне. Неўзабаве, 16 лютага 2007 г., музейны комплекс наведаў Мітрапаліт Філарэт, Патрыяршы Экзарх усяе Беларусі, які асвяціў крыж на месцы будучага будаўніцтва новага храма. З мая 2007 года пачалося ўзвядзенне новага храма.

Храм быў узведзены амаль за год. 27 красавіка 2008 г. адбылося першае набажэнства.

Асвячэнне Храма адбылося 7 ліпеня 2008 года. Асвячэнне прастола царквы здзейсніў Мітрапаліт Філарэт у прысутнасці святароў пухавіцкіх парафій, таксама былі запрошаны святары з Мінска. Асаблівая ўвага была аддадзена гасцям з Чарнагорыі, з манастыра г. Цэцін, манахам, якія прывезлі і перадалі ў дар Царкве абраз з часцінкамі мошчаў св. Іаана Хрысціцеля. Пры асвячэнні Храма прысутнічалі вернікі, ахвярадаўцы, работнікі музея, госці, пасол Сербіі ў Беларусі.

АрхітэктураПравіць

Важным дадаткам да добраўпарадкавання Храма стаў выраб і ўстаноўка іканастаса, асноўны дэкор якога выкананы з саломы прыёмамі народнага саломапляцення. Аўтарам дызайну і вытворцам з’яўляецца Салдатава Вера Яўгенаўна. Асаблівае захапленне выклікаюць саламяныя царскія вароты. Створкі і верхняя частка брамы — усё выканана з саломы. Тугія вітыя жгуты аздабляюць іканастасныя ўстаўкі. Унутры жгутоў — плеценыя квадраты. Па-над жгутамі рассыпаюцца плеценыя ўзоры з ланцужкоў маленькіх ромбікаў, якія фарміруюць саламяныя крыжы ўнізе, пасярэдзіне і зверху.

ГалерэяПравіць

Гл. таксамаПравіць

СпасылкіПравіць

  1. http://blagochin.by/istorija-blagochinija/