Чэмер
Чэмер (Helleborus) — род раслін сямейства Казяльцовыя (Ranunculaceae), які налічвае каля 20 відаў шматгадовых травяністых кветкавых раслін, Род даў назву трыбе Helleboreae. Многія віды атрутныя.
| Чэмер | |||||||||||||||||
 Чэмер чорны (Helleborus niger) — тыпавы від роду Чэмер. Агульны выгляд квітнеючай расліны | |||||||||||||||||
| Навуковая класіфікацыя | |||||||||||||||||
|---|---|---|---|---|---|---|---|---|---|---|---|---|---|---|---|---|---|
|
прамежныя рангі
| |||||||||||||||||
| Міжнародная навуковая назва | |||||||||||||||||
| Тыпавы від | |||||||||||||||||
|
Helleborus niger L., 1753
| |||||||||||||||||
| |||||||||||||||||
Апісанне і распаўсюджанне правіць
Род распаўсюджаны на большай частцы Еўропы: Вялікабрытанія, Іспанія і Партугалія, Міжземнаморскі рэгіён, Цэнтральная Еўропа, Усходняя Еўропа (Украіна і Румынія), а таксама ўздоўж паўночнага ўзбярэжжа Турцыі да Каўказа.
Найбольшая канцэнтрацыя відаў назіраецца на Балканах. Адзін атыпічны від Helleborus thibetanus паходзіць з заходняга Кітая, арэал іншага атыпічнага прадстаўніка Helleborus vesicarius — невялікая тэрыторыя на мяжы паміж Турцыяй і Сірыяй.
Кветкі маюць пяць пялёсткаў (чашалісцікаў), што атачаюць кольцам тычынкі. Чашалісцікі не ападаюць, як пялёсткі, а застаюцца на расліне часам на працягу многіх месяцаў. Нядаўнія даследаванні ў Іспаніі пацвярджаюць, што ўстойлівыя чашачкі спрыяюць развіццю насення (Herrera 2005).
Хоць некаторыя кветкі гэтага віду нагадваюць дзікія ружы (іншая назва расліны — калядная ружа), чэмер не належыць да сямейства Ружавыя (Rosaceae).
Віды і падвіды правіць
Віды са сцяблом правіць
Гэтыя чатыры віды маюць сцёблы з лісцем (у Helleborus vesicarius сцёблы штогод адміраюць), а таксама базальнае лісце.
- Helleborus argutifolius
- Helleborus foetidus — Чэмер смярдзючы
- Helleborus lividus — Чэмер свінцова-шэры
- Helleborus vesicarius
Віды без сцябла правіць
Гэтыя віды маюць базальнае лісце. У іх няма сапраўднага лісця на сцеблах (ёсць ліставыя прыкветкі ў месцы галінавання кветканосаў).
- Helleborus atrorubens
- Helleborus croaticus
- Helleborus cyclophyllus
- Helleborus dumetorum — Чэмер хмызняковы
- Helleborus abruzzicus
- Helleborus liguricus
- Helleborus boconei
- Helleborus multifidus
- Helleborus niger — Чэмер чорны
- Helleborus odorus
- Helleborus orientalis — Чэмер усходні
- Helleborus purpurascens — Чэмер чырванаваты, ці Чамярычнік
- Helleborus thibetanus
- Helleborus torquatus
- Helleborus viridis
- Helleborus occidentalis
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
Спасылкі правіць
- Морозник — род Helleborus: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)