Швянцяжарыс

Швя́нцяжарыс (літ.: Šventežeris, традыцыйная беларуская назва — Святое Возера) — мястэчка ў Лаздзіяйскім раёне Алітускага павета Літвы. Цэнтр Швянцяжарыскай сянюніі. Размешчана на беразе Швянцяжарыскага возера (Святога возера), за 8 км на ўсход ад Лаздзіяя. Насельніцтва на 2011 год — 295 чалавек.

Мястэчка Швянцяжарыс літ.: Šventežeris Касцёл Краіна Літва Павет Алітускі Раён Лаздзіяйскі Сянюнія Швянцяжарыская Каардынаты 54°14′20″ пн. ш. 23°38′30″ у. д. Ранейшыя назвы Святое Возера Вышыня цэнтра 174 м Насельніцтва 295 чалавек (2011) Часавы пояс UTC+2, летам UTC+3 Швянцяжарыс на карце Літвы

Медыяфайлы на Вікісховішчы

Гісторыя

Вялікае Княства Літоўскае

Упершыню Святое Возера ўпамінаецца ў XVI ст. У гэты час яно ўваходзіла ў склад Троцкага павета Троцкага ваяводства.

У 1598 годзе ў Святым Возеры збудавалі евангелісцка-рэфарматарскі збор (з 1663 года — касцёл).

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Святое Возера апынулася ў складзе Прусіі, у 1807 годзе згодна з Тыльзіцкім мірным дагаворам — у складзе Расійскай імперыі, у Сейненскім павеце Сувалкаўскай губерні.

На 1827 год у Святым Возеры было 37 будынкаў.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Святое Возера апынулася ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1827 год — 271 чал.
• XXI стагоддзе: 2011 год — 295 чал.

Славутасці

• Касцёл Нараджэння Найсвяцейшай Дзевы Марыі (1882)

Спасылкі

• На Вікісховішчы ёсць медыяфайлы па тэме Швянцяжарыс
• Святое Возера на сайце Radzima.org