Юрый Андрэевіч Харын

Юрый Андрэевіч Ха́рын (13 жніўня 1930, с. Чаразера, Валагодская вобласць, Расія — 30 красавіка 2021) — беларускі філосаф. Доктар філасофскіх навук (1973), прафесар (1974). Заслужаны работнік адукацыі Беларусі (1991).

Юрый Андрэевіч Харын
Дата нараджэння	13 жніўня 1930(1930-08-13)
Месца нараджэння	Чаразера[d], сельскае паселішча Чаразерскае[d], Кірылаўскі раён, Ленінградская вобласць, РСФСР, СССР
Дата смерці	30 красавіка 2021(2021-04-30) (90 гадоў)
Род дзейнасці	філосаф
Месца працы	Куйбышаўскі інжынерна-будаўнічы інстытут імя А. І. Мікаяна[d] Беларускі дзяржаўны інстытут народнай гаспадаркі імя В. У. Куйбышава Беларускі дзяржаўны ўніверсітэт інфарматыкі і радыёэлектронікі Чалавек. Грамадства. Свет[d]
Навуковая ступень	доктар філасофскіх навук (1973)
Навуковае званне	прафесар (1974)
Альма-матар	ЛДУ (1953)
Узнагароды	Заслужаны работнік адукацыі Рэспублікі Беларусь (1991)

Біяграфія

Скончыў у 1953 годзе Ленінградскі ўніверсітэт. З 1957 года ў Куйбышаўскім інжынерна-будаўнічым інстытуце, з 1973 года ў Беларускім інстытуце народнай гаспадаркі. З 1976 па 2003 гады загадчык кафедры Беларускага ўніверсітэта інфарматыкі і радыёэлектронікі, адначасова з 1995 года галоўны рэдактар часопіса «Чалавек. Грамадства. Свет».

Навуковая дзейнасць

Навуковыя працы па праблемах дыялектыкі, метадалогіі навук, пазнання, сацыяльнай філасофіі, методыцы выкладання філасофска-гуманітарных дысцыплін у вышэйшай і сярэдняй школе. Распрацаваў новыя канцэптуальныя падыходы да даследавання актуальных тэарэтыка-метадалагічных праблем гуманізацыі грамадскіх адносін, сацыяльнага дзеяння, духоўна-культурнай сінергіі сучаснага беларускага грамадства. Адзін з аўтараў і навук, рэдактар серыі навучальных дапаможнікаў па гуманістыцы.

Творы

• Диалектика социального отрицания. Мн., 1972;
• Социальное действие. Мн., 1980 (у сааўтарстве);
• Марксистская социальная диалектика. Мн., 1985;
• Очерки философии социального действия. Мн., 1994 (у сааўтарстве);
• Пятый круг бытия // Бел. думка. 1997. № 2;
• Философия: Учеб. пособие для студентов вузов. 5 изд. Мн., 2002 (у сааўтарстве).

Літаратура

• Харын Юрый Андрэевіч // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).