Яніс Пуятс

Яго Высокапраасвяшчэнства кардынал Яніс Пуятс (лат.: Jānis Pujats; 14 лістапада 1930, Пуяты, Латвія) — латвійскі кардынал. Архібіскуп рыжскі з 8 мая 1991 па 19 чэрвеня 2010. Кардынал-святар in pectore з тытулам царквы S. Silvia з 21 лютага 1998, абвешчаны на кансісторыі ад 21 лютага 2001.

Яніс Пуятс
кардынал з 21 лютага 2001
Roman Catholic Archbishop of Riga[d] 1 чэрвеня 1991 — 19 чэрвеня 2010
Дыяцэзія	Рыжская архідыяцэзія
Папярэднік	Antonijs Springovičs[d]
Адукацыя	Q71254833? Рыжская каталіцкая духоўная семінарыя
Дзейнасць	выкладчык універсітэта, каталіцкі святар, каталіцкі біскуп
Нараджэнне	14 лістапада 1930(1930-11-14) (93 гады) Pujati[d], Nautrēni Parish[d], Люцынскі павет, Латвія
Узнагароды
Медыяфайлы на Вікісховішчы

Біяграфія

У 1948 годзе скончыў школу ў Рэзэкнэ і паступіў у каталіцкую семінарыю ў Рызе. 29 сакавіка 1951 года пасвечаны на святара. Працаваў у прыходах Рыгі. Выкладаў у Духоўнай семінарыі і быў кансультантам Архібіскупа рыжскага і сакратаром літургічнай камісіі.

З 1972 года — капелан Яго Святасці. У 1979—1984 гадах — генеральны вікарый у курыі Рыжскай дыяцэзіі. У 1984 годзе, па патрабаванні савецкіх улад, пакінуў пасаду ў курыі і працаваў простым святаром. 8 мая 1991 года прызначаны Архібіскупам рыжскім.

1 чэрвеня 1991 года пасвечаны ў архібіскупы. 21 лютага 1998 года ўзведзены ў санкардыналы in pectore. 21 лютага 2001 года абвешчаны на кансісторыі. Кардынал-святар з тытулам царквы S. Silvia. Удзельнік канклава 2005 года.

У дадатак да латышскай мовы, валодае рускай, польскай, літоўскай, нямецкай і лацінскай мовамі.

19 чэрвеня 2010 года было абвешчана пра адстаўку кардынала Пуятса з пасады Архібіскупа рыжскага, і яго пераемнікам высунуты Збігнеў Станкевіч — дырэктар Рыжскага вышэйшага інстытута рэлігійных навук і духоўнай семінарыі Рыжскай мітраполіі. Да 21 жніўня 2010 года — дня інтранізацыі Збігнева Станкевіча, кардынала Пуятс заставаўся апостальскім адміністратарам Рыгі.

14 лістапада 2010 года кардыналу Пуятсу споўнілася 80 гадоў і ён страціў права ўдзельнічаць у Канклавах.

Узнагароды

• Вялікі афіцэр ордэна Трох зорак
• Вялікі афіцэр ордэна «За заслугі перад Італьянскай Рэспублікай» (19 красавіка 2004 года)
• Камандор з зоркай ордэна Заслуг перад Рэспублікай Польшча (12 ліпеня 2005 года).

Спасылкі

• Біяграфія на сайце Ватыкана (італ.)
• Біяграфія на сайце catholic-hierarchy.org (англ.)
• Біяграфія на сайце katolis.lv Архівавана 16 снежня 2007. (лат.)
• Біяграфія Я. Пуятса Архівавана 31 студзеня 2011. (англ.)
• Я. Пуятс пра «Код да Вінчы» Архівавана 28 верасня 2007. (лат.)
• Я. Пуятс пра школьную рэформу
• Я. Пуятс пра гомасексуалізм Архівавана 28 верасня 2007. (лат.)