Яўген Феліксавіч Шунейка

Яўген Феліксавіч Шуне́йка (нар. 5 мая 1954, г. Гродна) — беларускі мастацтвазнавец, мастак дэкаратыўна-прыкладнога мастацтва. Кандыдат мастацтвазнаўства.

Яўген Феліксавіч Шунейка
Дата нараджэння	5 мая 1954(1954-05-05) (70 гадоў)
Месца нараджэння	Гродна, Гродзенская вобласць, БССР, СССР
Род дзейнасці	мастацтвазнавец, мастак, тэарэтык мастацтва, дзеяч мастацтваў, настаўнік
Навуковая сфера	мастацтвазнаўства, art theory[d] і дэкаратыўна-прыкладное мастацтва
Месца працы	Гімназія-каледж мастацтваў імя І. В. Ахрэмчыка Беларускі фонд культуры Беларуская дзяржаўная акадэмія мастацтваў Беларускі гуманітарны ліцэй імя Якуба Коласа
Альма-матар	Беларускі дзяржаўны тэатральна-мастацкі інстытут (1978)
Медыяфайлы на Вікісховішчы

Біяграфічныя звесткі

Скончыў Беларускі тэатральна-мастацкі інстытут (1978). 3 1980 працаваў у Гродзенскім абласным навукова-метадычным цэнтры народнай творчасці, выкладаў у Рэспубліканскай школе-інтэрнаце па музыцы і выяўленчым мастацтве, з 1986 загадчык аддзела Беларускага фонду культуры. 3 1989 выкладае ў Беларускай акадэміі мастацтваў (з 1999 дацэнт, затым прафесар кафедры гісторыі і тэорыі мастацтваў).

Даследуе тэорыю і гісторыю, сучаснае беларускае мастацтва, у т.л. народнае (набіўныя тканіны). Выканаў габелены: «М. Багдановіч» (1981, Дом-музей М. Багдановіча ў Гродне), «Нараджэнне паэтаў» (1983, Дом літаратараў у Мінску), «Вясна Панямоння» (1986, гарадская бібліятэка імя Карскага ў Гродне) і інш. Адрэстаўрыраваў 200 арнаментальных матываў беларускіх народных набіванак канца XIX — пач. XX ст.

Аўтар шматлікіх мастацтвазнаўчых публікацый па праблемах асэнсавання спадчыны беларускіх мастакоў у еўрапейскім кантэксце, па пытаннях асаблівасцей мастацкага аздаблення беларускага тэкстылю, спецыфіцы мастацтва усходніх краін. Удзельнік радыё і тэлевізійных перадачах па праблемах сучаснага беларускага і замежнага мастацтва.

Выбраная бібліяграфія

• Арганізацыя вытворчасці беларускіх набіванак з XVI—XVII ст. // Помнікі мастацкай культуры Беларусі: Новыя адкрыцці. Мн., 1989.
• Беларускiя набiваныя тканiны XVIII–XX стагоддзяў: дысертацыя на атрыманне навуковай ступені кандыдата мастацтвазнаўства / Шунейка Яўген Феліксавіч. — Мінск, 2005.

* Известная и неизвестная белорусская культура. Основные пути Республики Беларусь к расширению и углублению международного культурного сотрудничества / Евгений Шунейко // Запіскі Беларускай дзяржаўнай акадэміі мастацтваў. — Мінск, 2006. — Вып. 5. — С. 79—81.
* Пачатак новага перыяду ў развіцці сучаснага беларускага мастацтва / Я. Ф. Шунейка // Сучаснае мастацтва Беларусі: панарама, перспектывы: матэрыялы Рэспубліканскай навукова-практычнай канферэнцыі, Мінск, 30 красавіка 2009 г. — Мінск, 2010. — С. 17—20.

Літаратура

• Шунейка // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).