64-я партызанская брыгада імя В. П. Чкалава

64-я партызанская брыгада імя В. П. Чкалава
64-я партызанская брыгада імя В. П. Чкалава
Гады існавання	1943—1944
Краіна	СССР; Беларуская ССР
Падпарадкаванне	Беларускі штаб партызанскага руху
Уваходзіць у	Мінскае партызанскае злучэнне
Тып	партызаны
Функцыя	змаганне з акупантамі
Колькасць	1115 партызан (30.06.1944)
Дыслакацыя	Любанскі, Слуцкі, Старадарожскі, Старобінскі раёны
Войны	Другая сусветная вайна; Вялікая Айчынная вайна
Удзел у	Вялікая Айчынная вайна;
Камандзіры
Вядомыя камандзіры	М. М. Розаў;; П. І Смірноў (выконваў абавязкі);

64-я партызанская брыгада імя В. П. Чкалава — партызанская брыгада, створаная ў студзені 1943 года. Дзейнічала на акупіраванай тэрыторыі Любанскага, Слуцкага, Старадарожскага, Старобінскага раёнаў. 30 чэрвеня 1944 года брыгада (1115 партызан, 6 атрадаў) злучылася з Чырвонай Арміяй.

Склад

Брыгада была арганізавана на базе атрадаў:

атрад М. М. Розава (пазней атрад імя М. М. Громава, арганізаваны ў верасні 1941 года);
атрад А. Я. Абабкава (пазней атрад «Жалязняк», арганізаваны ў ліпені 1942 года);
атрад А. І. Партына (пазней атрад імя Даватара, арганізаваны ў жніўні 1941 года).

Таксама ў склад брыгады ўваходзілі:

атрад імя Катоўскага;
атрад імя Лазо;
атрад імя 14 слуцкіх партызан.

Камандаванне

Камандзіры

М. М. Розаў;
П. І. Смірноў (выконваў абавязкі).

Камісары

Начальнік штаба

У. А. Варотнікаў.

Гісторыя

Партызаны ў жніўні 1943 года перабілі каля 2,3 тысячы рэек. У лістападзе — снежні 1943 года падарвалі 9 эшалонаў, 78 аўтамашын, 9 мастоў, збілі 1 самалёт, удзельнічалі ў разгроме гарнізона ў вёсцы Макарычы Старадарожскага раёна, разбілі гарнізон у вёсцы Белічы Слуцкага раёна.

Памяць

У 1965 годзе ў вёсцы Пярэспа Любанскага раёна ў гонар брыгады быў пастаўлены помнік.

Зноскі

Літаратура

Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.