Асака вострая

Асака вострая (Carex acuta) — від травяністых раслін сямейства асаковых, народная назва разанец.

Асака вострая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Асаковыя Падсямейства:  Cyperoideae Трыба:  Асаковыя Род:  Асака Від:  Асака вострая
Міжнародная навуковая назва
Carex acuta L., 1753
Сінонімы
Carex dichroandra V.I.Krecz. Carex fuscovaginata Kük. Carex sareptana V.I.Krecz. Carex acuta f. prolixa (Fries) Sylven Carex fuscovaginata Kük Carex graciliformis V.I. Krecz. Carex gracilis R. Br Carex prolixa Carex saxatilis laxa (Trautv.) Kalela Carex stricta Gooden., non Lam. Carex hudsonii A.Benn.
Ахоўны статус
Выклікаюць найменшыя асцярогі IUCN 3.1 Least Concern : / 164359
Выявы на Вікісховішчы ITIS   510156 NCBI   140782 EOL   1125022 IPNI   298416-1 TPL   kew-224231

Апісанне

Цёмна-зялёная расліна вышынёю 50—140 см, з доўгім гарызантальным карэнішчам, утварае дзернавінкі. Сцяблы аблісцелыя, востра-шурпатыя, з чырвона-бурымі похвамі. Лісце шырокалінейнае, пляскатае, па краі шурпатае. Колас складаецца з 2—3 тычынкавых і 3—4 цыліндрычных, паніклых песцікавых каласкоў на доўгіх ножках. Лускавінкі каласкоў ланцэтныя, чорна-пурпуровыя. Рыльцаў 2. Мяшочкі двойчыпукатыя, эліптычныя, з жылкамі і цёмным носікам.

Пашырэнне

Пашырана ва ўмераным поясе Еўразіі. Часта расце ў поймах рэк, па берагах вадаёмаў, на нізінных балотах, лугах; утварае зараснікі. На Беларусі найбольшыя плошчы ў пойме Прыпяці. Вельмі зменлівы амаль па ўсіх прыкметах від. Цвіце ў маі — жніўні.

Выкарыстане

Скошаная да цвіцення — добры корм для буйной рагатай жывёлы (мае высокую пажыўную каштоўнасць).

Літаратура

• Іванкіна В. Асака // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.