Choreutidae

Choreutidae — сямейства лускакрылых насякомых. Налічвае каля 420 відаў.

Choreutidae
Anthophila fabriciana
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Інфраатрад:  Heteroneura Клада:  Ditrysia Падсекцыя:  Apoditrysia Надсямейства:  Choreutoidea Сямейства:  Choreutidae
Міжнародная навуковая назва
Choreutidae
Сістэматыка на Віківідах Выявы на Вікісховішчы ITIS   693960 NCBI   219287 EOL   792

Сістэматыка

Спачатку віды сямейства ўключалі ў склад сямейства Ліставёрткі (Tortricidae), а з 1929 года ў сямейства Glyphipterigidae. У 1971 годзе было вылучана асобнае сямейства, спачатку ў надсямействе Sesioidea, а пазней у манатыпным надсямействе Choreutoidea. У 2011 годзе падсямейства Millieriinae з чатырма відамі ў трох родах (Millieria, Phormoestes, Nyx) было ўзведзена ў ранг сямейства Millieriidae.

Распаўсюджанне

Сямейства распаўсюджана на ўсіх кантынентах, акрамя Антарктыды. Найбольшая відавая разнастайнасць выяўляецца ў Палеарктыцы, Індамалаі і Аўстраліі.

Некаторыя віды

• Anthophila abhasica Danilevsky, 1969
• Anthophila fabriciana Linnaeus, 1767
• Choreutis nemorana Hübner, 1799
• Choreutis pariana Clerck, 1759
• Prochoreutis myllerana Fabricius, 1794
• Prochoreutis pseudostellaris Budashkin, 2003
• Prochoreutis sehestediana Fabricius, 1776
• Prochoreutis stellaris Zeller, 1847
• Tebenna bjerkandrella Thunberg, 1784
• Tebenna chingana Danilevsky, 1969

Апісанне

Малыя і сярэднія матылі. Размах крылаў 9-20 мм. Галава пакрыта ляжачай луской на лбе і прыпаднятай у вобласці цемені і патыліцы, з вочкамі. Ніжнегубныя шчупікі загнутыя ўверх. Хабаток добра развіты. Вусікі ніткападобныя. Крылы шырокія. Заднія крылы часта шырэй пярэдніх. Агульны фон крылаў цёмны. Узор утвараюць выгнутыя папярочныя перавязі, плямы і кропкі, а таксама металічныя бліскучыя рыскі і плямы.

Спосаб жыцця

Вусені шкілетуюць лісце травяністых і драўняных раслін. Яны развіваюцца групамі пад агульнай сеткай з шоўку, або ў лісці, згорнутым у трубачку. У некаторых відаў маладыя вусені ядуць лісце. Кукалкі з радамі шыпоў на тэргітах брушка. Матылі актыўныя днём.

Спасылкі

• Tree of Life Архівавана 14 лютого 2019.
• UK Moths Choreutidae
• LepIndex list of species and genera in family Choreutidae Архівавана 16 травня 2018.
• Larvae and cocoons
• Representative genera
• Choreutinae resting postures Архівавана 30 вересня 2007.