«EPAM Systems» (бел.: ЭПАМ Сістэмз) — найбуйнейшы вытворца заказнога праграмнага забеспячэння ў Цэнтральнай і Усходняй Еўропе, рэзідэнт Парку высокіх тэхналогій Беларусі[1].

EPAM Systems
Тып публічная
Лістынг на біржы Нью-Ёркская фондавая біржа
Заснаванне 1993
Размяшчэнне Ньютаўн, Пенсільванія, ЗША
Ключавыя фігуры Аркадзь Добкін, прэзідэнт і старшыня рады дырэктараў
Галіна Праграмнае забеспячэнне, кансалтынг
Аперацыйны прыбытак 86,18 млн $ (2014)
Чысты прыбытак 33,2 млн $ (2010)
Сайт www.epam.com

ЭПАМ Сістэмз аказвае кансалтынгавыя паслугі ў галіне інфармацыйных тэхналогій.

ГісторыяПравіць

Кампанія паўстала ў 1993 г. ў Прынстане (Нью-Джэрсі, ЗША). Заснавалі яе Аркадзь Добкін, які эміграваў у ЗША ў 1991 г., і яго аднакласнік Леа Лознер з Мінску. Спярша кампанія называлася «EPAm» па скарачэнні ад па-англійску: «Effective Programming for America». Пазней, па выхадзе кампаніі на замежныя рынкі, яе назва трансфармавалася ў сучасную «EPAM Systems».

Цэнтральны паўночнаамерыканскі офіс быў адчынены ў Лорэнсвілі, Нью-Джэрсі. Пазней з’явіўся цэнтральны еўрапейскі офіс у Будапешце. У 2010 г. кампанія мела 29 офісаў у 9 краінах свету, у тым ліку ва ўсіх абласных цэнтрах Беларусі[2], а таксама ў Вялікабрытаніі, Германіі, Казахстане, Расіі, Украіне, і Швецыі.

ДзейнасцьПравіць

Кампанія мае цэнтры распрацоўкі і офісы па абслугоўванні кліентаў у 20 краінах свету (дадзеныя на на 2015 г.). Колькасць супрацоўнікаў кампаніі ў Беларусі складае больш чым 2,5 тысячы чалавек[3] (2010). Кліенты EPAM Systems — прадстаўнікі розных сегментаў гаспадаркі з болей чым 30 краін свету (у тым ліку з Беларусі і СНД). Сярод іх — Microsoft, SAP, Coca-Cola, «Інтэрфакс», А1, Мазырскі нафтаперапрацоўчы завод і інш.

Паслугі
  • ІТ-кансалтынг
  • Распрацоўка праграмнага забеспячэння
  • Інтэграцыя дадаткаў
  • Партаванне і міграцыя дадаткаў
  • Тэставанне праграмнага забеспячэння
  • Суправаджэнне праграмнага забеспячэння
  • Паслугі цэнтраў кампэтэнцый[4].
Сертыфікаты
  • ISAE 3402
  • SAS 70 Type II
  • CMMI Maturity Level 5
  • ISO 27001:2005
  • SEC Governed

УзнагародыПравіць

У 2006 г. кампанія ўвайшла ў спіс «100 сусветных аўтсорсэраў», #79 у раздзеле «Узыходныя зоркі аўтсорсынгу на глабальнай арэне»[5].

Паводле звестак рэйтынгавага агенцтва «Эксперт РА», па выніках 2009 года EPAM Systems» заняла 19-е месца ў агульным спісе найбуйнейшых ІТ-кампаній і 17-е — у спісе найбуйнейшых кансалтынгавых кампаній Расіі[6].

Зноскі

  1. Резиденты Парка высоких технологий (руск.) . Рэзідэнты. Парк высокіх тэхналогій. Праверана 21 лістапада 2010.
  2. EPAM на карте мира (руск.) . О компании. EPAM Systems. Праверана 21 лістапада 2010.
  3. Аляксандр Лукашэнка: «Беларусь можа ганарыцца дасягненнямі ў медыцыне, ІТ-тэхналогіях і касмічнай сферы» // «Звязда» №227 (26835) 19 лістапада 2010
  4. Услуги (руск.) . EPAM Systems. Праверана 21 лістапада 2010.
  5. The 100 Global Outsourcing 2006, Издание международной ассоциации аутсорсеров-профессионалов (IAOP)
  6. Позиции компании в рейтингах крупнейших компаний. EPAM Systems (руск.) . Компании. Рэйтынгавае агенцтва «Эксперт РА». Праверана 21 лістапада 2010.

СпасылкіПравіць